Bindia
– સરકાર ‘મોડલ એમ્પ્લોયર’ હોવા છતાં હોમગાર્ડ્સનું શોષણ કરી શકે નહીં!
પંકજ મકવાણા – અમદાવાદ: ગુજરાત હાઈકોર્ટે રાજ્ય સરકારને કડક ટકોર કરી છે કે ‘મોડલ એમ્પ્લોયર’ તરીકે ઓળખાતી સરકાર હોમગાર્ડ જવાનોનું શોષણ કરી શકે નહીં. 07 માર્ચના TOI રિપોર્ટ પ્રમાણે, જસ્ટિસ મૌલિક શેલાટે આદેશ આપ્યો છે કે હોમગાર્ડ્સનું દૈનિક ભથ્થું હાલના રૂ. 450થી વધારીને પોલીસ કર્મચારીઓના લઘુત્તમ પગારના સમકક્ષ કરવું જોઈએ. પોલીસ કોન્સ્ટેબલનો માસિક લઘુત્તમ પગાર રૂ. 21,000થી રૂ. 25,000 વચ્ચે હોવાથી, હોમગાર્ડ્સને મળતી રકમ ઘણી ઓછી છે તેવું કોર્ટે સ્પષ્ટ નોંધ્યું.2020માં દાખલ પિટિશન પર સુનાવણી દરમિયાન કોર્ટે ‘ઇક્વલ પે ફોર ઇક્વલ વર્ક’ની માંગણી નકારી કાઢી હતી, કારણ કે હોમગાર્ડ્સની ફરજો પોલીસની સમાન નથી. તેમ છતાં, રાજ્યના અડગ વલણને ‘તાનાશાહી’ અને ‘મનમાની’ ગણાવી કોર્ટે કહ્યું, “સરકાર મૃત્યુ કમ્પેન્સેશન જેવા લાભો આપે છે, પણ તેના આધારે હોમગાર્ડ્સનું શોષણ કરી શકે નહીં.”સુપ્રીમ કોર્ટના પહેલાના નિર્દેશોને ટાંકીને કોર્ટે રાજ્યને સ્પષ્ટ હુકમ કર્યો કે એક મહિનામાં દૈનિક ભથ્થું વધારીને પોલીસના લઘુત્તમ પગાર સમકક્ષ કરવું. સુપ્રીમ કોર્ટે કેન્દ્રની રિવ્યુ પિટિશન નકારી હોવાથી રાજ્યે આ નિર્દેશોને અવગણી શકે નહીં.આ નિર્ણયથી રાજ્યના હજારો હોમગાર્ડ જવાનોને આર્થિક રાહત મળશે અને તેમની માનદ્ સેવાને યોગ્ય માન્યતા મળશે. હોમગાર્ડ્સ ચૂંટણી બંદોબસ્ત, ટ્રાફિક, વીઆઈપી સુરક્ષા જેવી જવાબદારીઓ નિભાવે છે, તેથી તેમને ન્યાયી વેતન મળવું જરૂરી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
