દિલ્હી બોમ્બ વિસ્ફોટ : અમિત શાહે જણાવ્યું, દોષિતોને પાતાળમાંથી પણ શોધી કાઢીશું

દિલ્હીમાં તાજેતરમાં થયેલા કાર બોમ્બ વિસ્ફોટ મામલે કેન્દ્રીય ગૃહમંત્રી અમિત શાહે કડક સંદેશો આપ્યા છે. ઉત્તર ઝોનલ કાઉન્સિલની 32મી બેઠકમાં શાહે જણાવ્યું કે, દિલ્હી બોમ્બ બ્લાસ્ટના ગુનેગારો પાતાળમાંથી પણ મળી આવશે અને તેમને દેશની ન્યાયિક વ્યવસ્થામાં લાવવામાં આવશે.

શાહે જણાવ્યું કે વડાપ્રધાન નરેન્દ્ર મોદીનું નેતૃત્વ આતંકવાદ સામે લડતમાં વધુ કડક અને નિર્ણાયક બન્યું છે. તેમણે એમ પણ કહ્યું કે, ભારતની સુરક્ષા એપ્રણાલીઓ અને સરકારના ટ્રેક રેકોર્ડ પરથી દોષિતોને પાતાળમાંથી શોધી કાઢવામાં વિશ્વાસ રાખી શકાય છે.

દિલ્હી બોમ્બ વિસ્ફોટમાં કુલ 15 લોકોના મોત થયા છે અને 32 લોકો ઘાયલ થયા હતા. 10 નવેમ્બરે સાંજે 7 વાગ્યે આત્મઘાતી બોમ્બર દ્વારા કારમાં વિસ્ફોટ થયો હતો, જ્યારે 14 નવેમ્બરે રાત્રે 11:20 વાગ્યે નૌગામ પોલીસ સ્ટેશન નજીક બીજું વિસ્ફોટ થયો હતો, જેમાં 9 લોકોનાં મૃત્યુ થયા અને 32 લોકો ઘાયલ થયા.

બેઠકમાં હરિયાણા, પંજાબ, હિમાચલ પ્રદેશ, રાજસ્થાન, જમ્મુ-કાશ્મીર, દિલ્હી, ચંદીગઢ અને લદ્દાખના મુખ્યમંત્રીઓ, લેફ્ટનન્ટ ગવર્નરો, કેન્દ્રશાસિત પ્રદેશોના પ્રશાસકો, અને કેન્દ્ર સરકારના વરિષ્ઠ અધિકારીઓ હાજર રહ્યા હતા. તેમણે વિસ્ફોટોમાં શહીદ થયેલા લોકો માટે બે મિનિટનું મૌન પાળી શ્રદ્ધાંજલિ અર્પી.

આ વિસ્ફોટોની તપાસ માટે હરિયાણા અને કેન્દ્ર સરકાર દ્વારા તાત્કાલિક એજન્સીઓ અને નિષ્ણાત ટીમોને કાર્યરત કરવામાં આવ્યું છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in