Bindia
મિડલ ઈસ્ટમાં ઈરાન વિરુદ્ધ ચાલી રહેલા તણાવ અને સૈન્ય અભિયાન વચ્ચે અમેરિકાની સેના માટે ચિંતાજનક સમાચાર સામે આવ્યા છે. અમેરિકાનું હવામાં ઈંધણ ભરતું વિશાળ મિલિટરી રિફ્યુલિંગ વિમાન KC-135 ઈરાકમાં ક્રેશ થયું હોવાનું જાણવા મળ્યું છે. આ વિમાનમાં કુલ 5 ક્રૂ મેમ્બર્સ સવાર હતા અને તેઓ હાલ લાપતા હોવાનું જણાવવામાં આવ્યું છે.
‘ઓપરેશન એપિક ફ્યુરી’ દરમિયાન થયો અકસ્માત
અમેરિકન સેન્ટ્રલ કમાન્ડ (CENTCOM)ના જણાવ્યા અનુસાર ઈરાન વિરુદ્ધ ચાલી રહેલા સૈન્ય અભિયાન ‘ઓપરેશન એપિક ફ્યુરી’ દરમિયાન આ અકસ્માત સર્જાયો હતો. KC-135 રિફ્યુલિંગ વિમાન હવામાં ઉડતી લડાકુ વિમાનોને ઈંધણ પૂરું પાડવા માટે ઉપયોગમાં લેવામાં આવે છે. દુર્ઘટના સમયે વિમાન ઈરાકના હવાઈ વિસ્તારમાં મિશન પર હતું.
વિમાનમાં સવાર 5 ક્રૂ મેમ્બર્સને શોધવા માટે હાલમાં રેસ્ક્યુ ઓપરેશન શરૂ કરવામાં આવ્યું છે. અમેરિકન સૈન્ય દ્વારા બચાવ ટીમો તાત્કાલિક ઘટનાસ્થળે મોકલવામાં આવી છે.
દુશ્મન હુમલો નહીં, ટેકનિકલ કારણોની આશંકા
અમેરિકન સેનાએ પ્રાથમિક માહિતી આપતા જણાવ્યું છે કે આ અકસ્માત દુશ્મન દેશના કોઈ હુમલા અથવા ‘ફ્રેન્ડલી ફાયર’ના કારણે થયો હોવાનો અહેવાલ નથી. ઘટનાના સમયે બે વિમાનો મિશન પર હતા, જેમાંથી એક વિમાન સુરક્ષિત રીતે લેન્ડ થયું હતું જ્યારે બીજું વિમાન ક્રેશ થયું. આ ઘટના પાછળ ટેકનિકલ ખામી અથવા અન્ય કોઈ કારણ હોઈ શકે તેવી આશંકા વ્યક્ત કરવામાં આવી રહી છે. સમગ્ર મામલે ઉચ્ચ સ્તરીય તપાસના આદેશ આપવામાં આવ્યા છે.
ઈરાન વિરુદ્ધ અભિયાન દરમિયાન અમેરિકાને નુકસાન
28 ફેબ્રુઆરીથી ઈરાન વિરુદ્ધ શરૂ કરાયેલા સૈન્ય અભિયાન દરમિયાન અમેરિકન સેનાને સતત પડકારોનો સામનો કરવો પડી રહ્યો છે. અહેવાલો મુજબ અત્યાર સુધીમાં 7 અમેરિકન સૈનિકોના મોત થયા છે, જ્યારે આશરે 150 જેટલા જવાનો ઘાયલ થયા હોવાનું કહેવાય છે.
ઈરાક અને સીરિયામાં આવેલા અમેરિકન સૈન્ય ઠેકાણાઓ પર થતા હુમલાઓને કારણે અમેરિકન પ્રશાસનની ચિંતા વધી રહી છે અને સમગ્ર વિસ્તારમાં તણાવ વધુ વધી રહ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
