Ahmedabad : “બેદરકારીનો ફરી એક નવો અધ્યાય શરૂ?”, GPCBની કાર્યવાહી પર લોકોની નજર !

અમદાવાદ: સિકંદર માર્કેટના ક્રિસ્ચિયન કબ્રસ્તાન વિસ્તારમાં વર્ષ 2024માં ચાલતા એક ડેનીમ વોશિંગ યુનિટમાં બનેલી દુર્ઘટનાએ સમગ્ર શહેરને હચમચાવી દીધું હતું. જે ઘટનામાં ત્રણ શ્રમજીવીઓના મોત થયા હતા, અને પ્રાથમિક તપાસમાં સેફ્ટી સાધનોની અછત, તેમજ GPCB (ગુજરાત પોલ્યુશન કંટ્રોલ બોર્ડ)ની કોઈ માન્ય પરમિશન ન હોવાનો મુદ્દો સામે આવ્યો હતો. જે ફરીથી ડેનીમ વોશિંગનું ગેરકાયદેસર યુનિટ શરૂ કર્યું હોવાની ચર્ચાઓ શરૂ થઈ છે.

વર્ષે 2024ની ઘટનાને લઈને સ્થાનિક પોલીસ સ્ટેશનમાં ગુનો નોંધાયો હતો અને વીજ કનેક્શન કાપવામાં આવ્યું હતું આ સાથે જ ગટર લાઈન સીલ કરી દેવામાં આવી હતી. ત્યારે હવે આ સમગ્ર મામલે ચોંકાવનારી માહિતી સામે આવી છે. માહિતીઓ પ્રમાણે, તે જ વ્યક્તિ—નવસાદ નામનો વ્યક્તિ—એ હવે નવું સ્થળ શોધીને, ફરીથી ડેનીમ વોશિંગનું ગેરકાયદેસર યુનિટ શરૂ કર્યું હોવાની શંકા છે . બાતમી મુજબ આ નવું સરનામું ગુજરાત વજનકાંટાની બાજુમાં S.H chemicals ની ઉપર લકી એસ્ટેટ, ગુલાબનગર પિરાણા રોડ બહેરામપુરા વોર્ડ છે.

ઉઠયા અનેક સવાલો
પરમિશન નહીં, NOC નહીં, સેફ્ટી સાધનોની કોઈ ખાતરી નહીં… અને આમ છતાં industriyal લેવલ પર ફરી કામગીરી શરૂ કરી હોવાની વિગતો મળી રહી છે. ત્યારે સૌથી મોટો સવાલ – ફરી દુર્ઘટના બને તો જવાબદાર કોણ? શું ફરી કોઈ કામદારના જીવ સાથે રમાશે? શું બેદરકારીની કિંમત ફરી જીવલેણ સાબિત થશે? શું સંબંધિત વિભાગોની દેખરેખ સૂઈ ગઈ છે?

GPCB ની ભૂમિકાની હવે સૌથી મોટી પરિક્ષા
આ સમગ્ર ઘટનાને લઈને હવે નજર ગુજરાત પોલ્યુશન કંટ્રોલ બોર્ડ તરફ છે. શું GPCB તરત જ સાઇટ પર તપાસ કરશે? ગેરકાયદેસર કારખાનાં સામે શટડાઉન નોટિસ, સીલ અથવા ફોજદારી કાર્યવાહી થશે? શું અગાઉ થયેલી દુર્ઘટનાની યાદશક્તિ વિભાગને જગાડશે કે નહી?

સમગ્ર વિસ્તારના લોકો એક જ સવાલ પૂછે છે— “શું ફરી એક જાનલેણ બેદરકારીની કાઉન્ટડાઉન શરૂ થઈ ગયું છે?”બેદરકારીની ધરબાયેલી દિવાલો ફરી ધડાકો કરતી પહેલાં… જવાબદારીની દિવાલ કોણ ઊભી કરશે? આગામી પગલા હવે સીધા GPCB ની કસોટી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in