Bindia
એક તરફ પાકિસ્તાનની ટીમ ચેમ્પિયન્સ ટ્રોફીનું ટાઈટલ જીતવામાં નિષ્ફળ રહી અને સેમીફાઈનલમાં પણ નથી પહોંચી શકી તો બીજી તરફ પૂર્વ કોચ જેસન ગિલેસ્પીએ પાકિસ્તાનના વચગાળાના કોચ આકિબ જાવેદ પર મોટો આરોપ લગાવ્યો છે. જેસન ગિલેસ્પીએ આકિબ જાવેદ પર ગેરી કર્સ્ટન અને મને પાકિસ્તાન ટીમમાંથી અલગ કરવાનું કાવતરું ઘડવાનો આરોપ લગાવ્યો છે. આપને જણાવી દઈએ કે, ગિલેસ્પીને એપ્રિલ 2024માં પાકિસ્તાન ટીમ માટે રેડ-બોલ ક્રિકેટના મુખ્ય કોચ તરીકે નિયુક્ત કરવામાં આવ્યા હતા. જો કે, આઠ મહિનામાં તેણે પીસીબી સાથે સંબંધ તોડી નાખ્યો.
આ પણ વાંચો :- Ahmedabad : અમદાવાદમાં રીલ્સની ઘેલછામાં મોત, રીલ બનાવતી વખતે 3 સગીર કેનાલમાં ડૂબ્યા
પાકિસ્તાન ટીમથી અલગ થયાના લગભગ ત્રણ મહિના બાદ ગિલેસ્પીએ સોશિયલ મીડિયા પર આકિબ જાવેદ વિશે કેટલીક એવી વાતો લખી છે જેણે પાકિસ્તાન ક્રિકેટમાં હલચલ મચાવી દીધી છે. ગિલેસ્પીએ સોશિયલ મીડિયા ઈન્સ્ટા પર આકિબ જાવેદ વિશે લખ્યું, “આકિબ હંમેશા એવો વ્યક્તિ હતો જે પાકિસ્તાન ક્રિકેટના તમામ ફોર્મેટમાં કોચ બનવા માટે પડદા પાછળ કાવતરું રચતો હતો, મને અને ગેરી કર્સ્ટનને ઓછો આંકતો હતો, તે જોકર હતો.”
ગિલેસ્પીનો જવાબ જાવેદે છેલ્લા કેટલાક વર્ષોમાં PCBના કોચિંગ સ્ટાફ અને પસંદગીકારોમાં કરવામાં આવેલા ફેરફારોની ટીકા કર્યા પછી આવ્યો હતો અને ચેમ્પિયન્સ ટ્રોફી 2025માં ટીમના ખરાબ પ્રદર્શન માટે તે ફેરફારોને જવાબદાર ઠેરવ્યા હતા. આકિબે પાકિસ્તાન ટીમના ખરાબ પ્રદર્શન પર પોતાનો અભિપ્રાય આપ્યો અને કહ્યું, “છેલ્લા 2.5 વર્ષોમાં, અમે 16 કોચ અને 26 પસંદગીકારો બદલ્યા છે… જો તમે વિશ્વની કોઈપણ ટીમ સાથે આવું કરશો તો તેમનું પ્રદર્શન સમાન હશે.”
આ પણ વાંચો :- ‘ઈન્ડિયા ચેમ્પિયન્સ ટ્રોફી ફાઈનલ…’ ઓસ્ટ્રેલિયા સામે ટીમ ઈન્ડિયાની જોરદાર જીત બાદ રમીઝ રાજાએ આપ્યું મોટું નિવેદન
આપને જણાવી દઈએ કે ગિલેસ્પી સિવાય પાકિસ્તાને પણ એપ્રિલ 2024માં ગેરી કર્સ્ટનની વ્હાઇટ-બોલ ટીમોના મુખ્ય કોચ તરીકે નિમણૂક કરી હતી, પરંતુ ભારતના પૂર્વ મુખ્ય કોચે ઓક્ટોબર 2024માં તેમનું પદ છોડી દીધું હતું. તેમના કાર્યકાળ હેઠળ, પાકિસ્તાને T20 વર્લ્ડ કપ 2024માં ભાગ લીધો હતો, જેમાં તેની શરૂઆતની બે મેચમાં યુએસએ અને ભારત સામે હારનો સામનો કરવો પડ્યો હતો.
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
