ચીને દક્ષિણ પ્રશાંત મહાસાગરમાં ICBM મિસાઇલનું પરીક્ષણ કર્યું, ઓસ્ટ્રેલિયા-ન્યૂઝીલેન્ડ સહિત અનેક દેશોએ નોંધાવ્યો વિરોધ

ચીને દક્ષિણ પ્રશાંત મહાસાગરમાં પરમાણુ હથિયાર વહન કરવાની ક્ષમતા ધરાવતી ઇન્ટર-કોન્ટિનેન્ટલ બેલિસ્ટિક મિસાઇલ (ICBM)નું પરીક્ષણ કરતાં આંતરરાષ્ટ્રીય સ્તરે ચિંતા વધી છે. અહેવાલો મુજબ ચીને પરમાણુ સંચાલિત સબમરીનમાંથી મિસાઇલ લોન્ચ કરી હતી, પરંતુ આંતરરાષ્ટ્રીય નિયમો મુજબ 72 કલાક અગાઉ આપવાની જરૂરી પૂર્વ સૂચના આપવામાં આવી નહોતી. આ ઘટનાને લઈને ઓસ્ટ્રેલિયા, ન્યૂઝીલેન્ડ અને ફીજી સહિતના દેશોએ કડક વાંધો નોંધાવ્યો છે.

પૂર્વ સૂચના વગર થયું મિસાઇલ પરીક્ષણ
ચીનની સરકારી સમાચાર એજન્સીના જણાવ્યા અનુસાર સોમવારે બપોરે મિસાઇલનું પરીક્ષણ કરવામાં આવ્યું હતું. અહેવાલ મુજબ તેમાં એક ડમી વોરહેડનો ઉપયોગ કરવામાં આવ્યો હતો. જોકે પરીક્ષણ પહેલાં સંબંધિત દેશોને સમયસર જાણ ન કરાતા સુરક્ષા સંબંધિત ગંભીર પ્રશ્નો ઉભા થયા છે.

ન્યૂઝીલેન્ડે વ્યક્ત કરી ગંભીર ચિંતા
ન્યૂઝીલેન્ડના વિદેશ મંત્રાલયે જણાવ્યું કે તેમને પરીક્ષણ અંગે માત્ર થોડા કલાકો પહેલાં જ માહિતી આપવામાં આવી હતી. ન્યૂઝીલેન્ડે સવાલ ઉઠાવ્યો કે જો તે સમયે આ વિસ્તારમાં તેમના અથવા અન્ય દેશોના જહાજો પસાર થઈ રહ્યા હોત તો ગંભીર અકસ્માત સર્જાઈ શક્યો હોત. વિદેશમંત્રી વિન્સ્ટન પીટર્સે જણાવ્યું કે આ ઘટના ચીનની સૈન્ય ગતિવિધિઓ અંગે વર્ષોથી વ્યક્ત કરવામાં આવતી ચિંતાઓને વધુ મજબૂત બનાવે છે.

રારોતોંગા સંધિનો ઉલ્લેખ
ન્યૂઝીલેન્ડે યાદ અપાવ્યું કે 1986ની રારોતોંગા સંધિ હેઠળ દક્ષિણ પ્રશાંત વિસ્તારને પરમાણુ હથિયાર મુક્ત ઝોન જાહેર કરવામાં આવ્યો છે. ચીને 1987માં આ સંધિને સ્વીકારી હતી અને આ વિસ્તારમાં પરમાણુ હથિયારોનો ઉપયોગ કે ધમકી નહીં આપવાનો વચન આપ્યો હતો. આ પરીક્ષણ બાદ કેટલાક દેશોએ ચીન પર સંધિની ભાવનાનું ઉલ્લંઘન કરવાનો આરોપ લગાવ્યો છે.

ઓસ્ટ્રેલિયાએ પણ વ્યક્ત કર્યો વિરોધ
ઓસ્ટ્રેલિયાના વિદેશમંત્રી પેની વોંગે જણાવ્યું કે ચીનની આવી કાર્યવાહી સમગ્ર ઇન્ડો-પ્રશાંત ક્ષેત્રની શાંતિ અને સ્થિરતા માટે ચિંતાજનક છે. તેમણે કહ્યું કે ઓસ્ટ્રેલિયાએ ચીન સમક્ષ સ્પષ્ટ શબ્દોમાં પોતાની ચિંતા વ્યક્ત કરી છે. ઉલ્લેખનીય છે કે આ પરીક્ષણ એવા સમયે કરવામાં આવ્યું છે જ્યારે ઓસ્ટ્રેલિયા અને ફીજી વચ્ચે તાજેતરમાં સંરક્ષણ સહયોગ સંબંધિત મહત્વપૂર્ણ કરારો થયા છે.

વધ્યું ભૂરાજકીય તણાવ
ચીનના આ મિસાઇલ પરીક્ષણ બાદ દક્ષિણ પ્રશાંત વિસ્તારમાં સુરક્ષા અને વ્યૂહાત્મક સંતુલન અંગે ચર્ચા તેજ બની છે. નિષ્ણાતોનું માનવું છે કે આવી કાર્યવાહીથી ઇન્ડો-પ્રશાંત ક્ષેત્રમાં ભૂરાજકીય તણાવ વધુ વધી શકે છે અને આવનારા સમયમાં ચીન તથા પશ્ચિમી દેશો વચ્ચેના સંબંધો પર તેની અસર જોવા મળી શકે છે.

 

 

 

 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…