મહારાષ્ટ્રના નાસિકમાં ભારે વરસાદનું સંકટ: વાદળ ફાટવાની આશંકા વચ્ચે આજે સ્કૂલ-કોલેજો બંધ, પ્રશાસન હાઈ એલર્ટ પર

મહારાષ્ટ્રના નાસિક જિલ્લામાં ભારે વરસાદની આગાહીને પગલે પ્રશાસન સંપૂર્ણ સતર્ક બન્યું છે. ભારતીય હવામાન વિભાગ (IMD) દ્વારા ત્ર્યંબકેશ્વર, ઇગતપુરી અને નાસિકના પશ્ચિમ વિસ્તારોમાં અતિભારે વરસાદની ચેતવણી જાહેર કરવામાં આવી છે. વાદળ ફાટવા જેવી સ્થિતિ સર્જાવાની આશંકાને ધ્યાનમાં રાખીને જિલ્લા પ્રશાસને આજે જિલ્લાની તમામ શાળાઓ અને કોલેજો બંધ રાખવાનો નિર્ણય લીધો છે.

ત્ર્યંબકેશ્વર અને સપ્તશૃંગી મંદિર બંધ
ભારે વરસાદ અને સંભવિત જોખમને કારણે પ્રસિદ્ધ ત્ર્યંબકેશ્વર જ્યોતિર્લિંગ મંદિર તેમજ વણી સ્થિત માતા સપ્તશૃંગી મંદિર ભક્તો માટે અસ્થાયી રીતે બંધ રાખવામાં આવ્યા છે. ઉપરાંત ત્ર્યંબકેશ્વર, ઇગતપુરી, નાસિક ગ્રામ્ય, પેઠ, ડિંડોરી અને સુરગાણા તાલુકાઓમાં યોજાતા સાપ્તાહિક બજારો પણ રદ કરવામાં આવ્યા છે.

ત્ર્યંબકેશ્વરમાં 300 મીમી સુધી વરસાદની આગાહી
નાસિકના કલેક્ટર આયુષ પ્રસાદે જણાવ્યું કે અરબ સાગરમાં સર્જાયેલા લો-પ્રેશર સિસ્ટમના કારણે ત્ર્યંબકેશ્વર અને આસપાસના વિસ્તારોમાં લગભગ 300 મીમી સુધી વરસાદ પડી શકે છે. તેમણે નાગરિકોને બિનજરૂરી બહાર ન નીકળવા તેમજ ખેડૂતોને ખેતરોમાં ન જવાની અપીલ કરી છે.

પ્રવાસન સ્થળો અને રેલવે પર ખાસ નજર
ભારે વરસાદને કારણે ભૂસ્ખલનનો ખતરો વધતાં કેટલાક રસ્તાઓ અસ્થાયી રીતે બંધ રાખવાની તૈયારી કરવામાં આવી છે. વોટરફોલ, કિલ્લાઓ અને અન્ય પ્રવાસન સ્થળોએ પોલીસ તેમજ ‘આપદા મિત્ર’ની ટીમો તૈનાત કરવામાં આવી છે. મુંબઈ-દિલ્હી રેલવે રૂટ ઇગતપુરીથી પસાર થતો હોવાથી રેલવે તંત્રને પણ હાઈ એલર્ટ પર રાખવામાં આવ્યું છે. કોઈપણ કટોકટીનો સામનો કરવા માટે આરોગ્ય વિભાગના અધિકારીઓ અને કર્મચારીઓની તમામ રજાઓ રદ કરવામાં આવી છે.

ડેમમાંથી પાણી છોડાયું
વધતા જળસ્તરને ધ્યાનમાં રાખીને સોમવારે સાંજે નાંદુર-મધ્યમેશ્વર ડેમમાંથી 1,614 ક્યુસેક પાણી છોડવામાં આવ્યું હતું. નીચાણવાળા વિસ્તારોમાં રહેતા લોકોને સાવચેત રહેવા સૂચના આપવામાં આવી છે.

મુખ્યમંત્રી ફડણવીસે તમામ એજન્સીઓને એલર્ટ કર્યા
મહારાષ્ટ્રના મુખ્યમંત્રી દેવેન્દ્ર ફડણવીસે જણાવ્યું કે 8 જુલાઈ સુધી હવામાનની સ્થિતિ પર સતત નજર રાખવામાં આવી રહી છે. નાસિકના કેટલાક વિસ્તારોમાં વાદળ ફાટવા જેવી પરિસ્થિતિ સર્જાવાની શક્યતા હોવાથી પ્રશાસન, પોલીસ, આપત્તિ વ્યવસ્થાપન દળ અને અન્ય તમામ સંબંધિત એજન્સીઓને હાઈ એલર્ટ પર રાખવામાં આવી છે. પ્રશાસને નાગરિકોને અફવાઓથી દૂર રહેવા, હવામાન વિભાગની સૂચનાઓનું પાલન કરવા અને બિનજરૂરી મુસાફરી ટાળવાની અપીલ કરી છે.

 

 

 

 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…