ગુજરાતમાં સ્થાનિક સ્વરાજ્યની ચૂંટણીનો જંગ તેજ: અમદાવાદના ભાજપ પક્ષના ઉમેદવારોની યાદી જાહેર

ગુજરાતમાં સ્થાનિક સ્વરાજ્યની ચૂંટણીને લઈને રાજકીય ગરમાવો શિખરે પહોંચ્યો છે. રાજ્યમાં આગામી 26 એપ્રિલે 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયત માટે મતદાન યોજાશે, જ્યારે 28 એપ્રિલે પરિણામ જાહેર કરવામાં આવશે. ચૂંટણીને લઈને ખાસ કરીને અમદાવાદમાં વહીવટી તંત્ર અને રાજકીય પક્ષોમાં ભારે દોડધામ જોવા મળી રહી છે. ત્યારે ભારતીય જાણતા પાર્ટી દ્વારા પોતાના ઉમેદવારોની યાદી જાહેર કરવામાં આવી છે.

અમદાવાદમાં ત્રિપાંખિયો જંગ
આ વખતે અમદાવાદમાં પરંપરાગત રીતે ભાજપ અને કોંગ્રેસ વચ્ચે થતી સીધી ટક્કર હવે ત્રિપાંખિયું સ્વરૂપ ધારણ કરી રહી છે. આમ આદમી પાર્ટી (AAP) પણ આ વખતે પૂરી તૈયારી સાથે મેદાનમાં ઉતરી છે. ત્રણેય પક્ષો મજબૂત ઉમેદવારોને ઉતારતા હોવાથી આ ચૂંટણીમાં કાંટાની ટક્કર જોવા મળે તેવી શક્યતા છે. ખાસ કરીને અમદાવાદ જિલ્લા પંચાયતની બેઠકો પર જોરદાર સ્પર્ધા થવાની આશા છે.

ચૂંટણી પંચની તૈયારીઓ તેજ
ચૂંટણીને લઈને અમદાવાદમાં ચૂંટણી પંચે તૈયારીઓ પૂર્ણ ગતિએ શરૂ કરી છે. ઉમેદવારો માટે ફોર્મ ભરવાની પ્રક્રિયા પણ શરૂ થઈ ગઈ છે. કલેક્ટર કચેરી ઉપરાંત વિવિધ પ્રાંત કચેરીઓએ ઉમેદવારોની ભીડ જોવા મળી રહી છે. વહીવટી સરળતા માટે એક જ બૂથમાં ત્રણથી ચાર વોર્ડના ઉમેદવારો ફોર્મ ભરી શકે તેવી વ્યવસ્થા કરવામાં આવી છે, જેથી પ્રક્રિયા ઝડપી અને સરળ બને.

રાજકીય માહોલ ગરમાયો
ચૂંટણી નજીક આવતાં જ શહેરમાં રાજકીય પ્રવૃત્તિઓ તેજ બની ગઈ છે. પક્ષો દ્વારા ઉમેદવારોની પસંદગી, પ્રચાર અને મતદારોને રીઝવવાના પ્રયાસો તેજ બન્યા છે. આ વખતે ત્રિપાંખિયા જંગને કારણે ચૂંટણીનું પરિણામ વધુ રસપ્રદ બનવાની સંભાવના છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in