ઓડિશામાં વિમાન ક્રેશ-લેન્ડિંગ, પાયલોટની હિંમતથી બધા મુસાફરો સલામત

ઓડિશામાં આજે બપોરે એક ભયાનક વિમાન દુર્ઘટના ટળી, જ્યાં પાયલોટની હિંમત અને ઝડપી નિર્ણયના કારણે તમામ મુસાફરો સલામત રહ્યા. ભુવનેશ્વરથી છ મુસાફરોને લઇ ઉડેલી *‘ઇન્ડિયાવન એર’*ની નાની નવ-સીટવાળી ફ્લાઇટ રાઉરકેલા એરસ્ટ્રિપ નજીક જગડા બ્લોકમાં ક્રેશ-લેન્ડ થઈ ગઈ. પાયલોટ વિમાન જમીન પર પટકાયાની મિનિટો પહેલા જ ‘Mayday’ ડિસ્ટ્રેસ કોલ દ્વારા એર ટ્રાફિક કંટ્રોલને સંકટની જાણ આપી હતી.

પાયલોટની હિંમત:
વિમાન ચાર્લી-208 મોડેલ હતું, જે ભુવનેશ્વર એરપોર્ટથી બપોરે 12:27 વાગ્યે રવાના થયું હતું. લેન્ડિંગ પહેલા જ પાયલોટે જણાવ્યું કે વિમાનમાં ગંભીર યાંત્રિક ખામી સર્જાઈ છે અને રનવે સુધી પહોંચી શકાતું નથી. પાયલોટ કેપ્ટન નવીન કડાંગા અને સહ-પાયલટ તરુણ શ્રીવાસ્તવએ ખુલ્લા મેદાનમાં વિમાન ઉતારવાનું નિર્ધારણ કર્યું, જેથી રહેણાંક વિસ્તારોને નુકસાન ન પહોંચે. ફોર્સ્ડ લેન્ડિંગ દરમિયાન વિમાન જોરથી પટકાયું, જેના કારણે પાંખો અને આગળનો ભાગ ભારે નુકસાન પામ્યા.

દુર્ઘટના પાછળની શંકા અને તપાસ:
પ્રાથમિક માહિતી અનુસાર દુર્ઘટનાની પાછળ યાંત્રિક ખામી (Mechanical Failure) હોવાની સંભાવના છે. DGCA (નાગરિક ઉડ્ડયન મહાનિર્દેશાલય) અને AAIB (એરક્રાફ્ટ એક્સિડેન્ટ ઇન્વેસ્ટિગેશન બ્યુરો) એ ઊચ્ચ સ્તરીય તપાસના આદેશ આપ્યા છે. રવિવારે દિલ્હી અને કોલકાતા થી નિષ્ણાતોની ટીમ રાઉરકેલામાં પહોંચી વિમાનના બ્લેક બોક્સ અને એન્જિનની તપાસ કરશે.

પાયલોટનો નિર્ણય, મૃત્યુ ટળી:
આ ઘટના રાઉરકેલાના આકાશમાં એક હાઇ-વોલ્ટેજ ડ્રામા સર્જી, સમગ્ર વિસ્તારમાં ભયનો માહોલ ફેલાયો હતો. તેમ છતાં પાયલોટની ઝડપી અને સુઝબૂઝભરી કામગીરીને કારણે મોટી જાનહાનિ ટળી, જે મુસાફરો અને સ્થાનિકો માટે રાહતની વાત છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in