Bindia
દેશભરમાં છેલ્લા બે દાયકાથી પોલીસ અને તપાસ એજન્સીઓને હંફાવનાર કુખ્યાત ‘ઈરાની ડેરા’ ગેંગનો મુખ્ય સૂત્રધાર આખરે ઝડપાઈ ગયો છે. મધ્યપ્રદેશના ભોપાલનો રહેવાસી આબીદ અલી ઉર્ફે રાજુ ઈરાની ઉર્ફે રહેમાન ડકેતને સુરત ક્રાઈમ બ્રાન્ચે ગુપ્ત ઓપરેશન હેઠળ લાલગેટ વિસ્તારમાંથી ઝડપી લીધો.
રાજુ ઈરાની સામે દેશના 14 રાજ્યોમાં લૂંટ, છેતરપિંડી, હિંસક હુમલા અને સંગઠિત ગુનાખોરીના અનેક ગંભીર કેસ નોંધાયેલા છે. ક્રાઈમ બ્રાન્ચને મળેલી ચોક્કસ બાતમીના આધારે રાજુ ઈરાની સુરતમાં નવી ગુનાખોરીને અંજામ આપવાના ઇરાદે આવ્યો હતો, પરંતુ પોલીસની સતર્કતાથી કોઈ હિંસા કે ગોળીબાર વિના તેને ઝડપી લેવામાં આવ્યો.
મધ્યપ્રદેશના ભોપાલમાં ‘ઈરાની ડેરા’ નામના મુખ્ય અડ્ડામાંથી રાજુ ઈરાની દેશભરમાં ફેલાયેલી વિવિધ પેટા ગેંગને સંચાલિત કરતો હતો. ગેંગના સભ્યો પોલીસ અથવા CBI અધિકારીના વેશમાં લૂંટ કરતા, ક્યારેક સાધુ/બાવાના વેશમાં ઘરમાં પ્રવેશી દાગીના અથવા રોકડ ઉપાડતા. લૂંટ દરમિયાન લોકો પર કેમિકલ ફેંકીને ધ્યાન ભટકાવવામાં આવતું અને પળભરમાં મુદ્દામાલ ગાયબ થઈ જતું.
બાતમી આપનારાઓ સાથે રાજુ ઈરાની ખૂબ જ ક્રૂર વર્તન કરતો. એક ઘટનામાં બાતમી આપનાર વ્યક્તિને તેના જ ઘરમાં સળગાવવાનો પ્રયાસ થયો હતો. ગેંગના સભ્યો પોલીસ દરોડા સમયે મહિલાઓ અને બાળકોને આગળ રાખીને મુખ્ય આરોપી ભાગી જવા સફળ થતું.
લૂંટ અને છેતરપિંડીમાંથી મળેલા પૈસાથી રાજુ ઈરાની અને તેના ભાઈ ઝાકીર અલી વૈભવી જીવનશૈલી જીવી રહ્યા હતા, જેમાં મોંઘી કાર, સ્પોર્ટ્સ બાઇક અને અરબી ઘોડા સામેલ છે. રાજુ ઈરાની મહારાષ્ટ્રમાં MCOCA કાયદા હેઠળ પણ ગુનો નોંધાયો હતો અને તે વિવિધ રાજ્યોમાં વોન્ટેડ હતો.
હાલ સુરત ક્રાઈમ બ્રાન્ચ દ્વારા રાજુ ઈરાનીની પૂછપરછ ચાલી રહી છે. તેની સાથે જોડાયેલા અન્ય ગેંગ સભ્યો, સંપત્તિ અને ગુનાખોરીના નેટવર્ક વિશે મહત્વપૂર્ણ માહિતી મળી શકે છે. પોલીસના મતે આ ધરપકડથી ‘ઈરાની ડેરા’ ગેંગને દેશભરમાં મોટો ઝટકો લાગ્યો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
