Bindia
ઉત્તરપશ્ચિમ નાઇજીરીયામાં ઇસ્લામિક સ્ટેટ (ISIS) આતંકી સંગઠન સામે અમેરિકાએ એક મોટો અને ઘાતક લશ્કરી હુમલો કર્યો હોવાની જાહેરાત કરવામાં આવી છે. અમેરિકાના રાષ્ટ્રપતિ ડોનાલ્ડ ટ્રમ્પે સોશિયલ મીડિયા પોસ્ટ દ્વારા આ કાર્યવાહી વિશે જાણકારી આપતા કહ્યું કે આ હુમલો તેમના સીધા નિર્દેશ પર કરવામાં આવ્યો હતો.
ટ્રમ્પે જણાવ્યું હતું કે ISISના આતંકીઓ ઉત્તરપશ્ચિમ નાઇજીરીયામાં નિર્દોષ ખ્રિસ્તી નાગરિકોને નિશાન બનાવી ક્રૂર હત્યાઓ કરી રહ્યા હતા. આ હુમલો એવા જ આતંકીઓ સામે કરવામાં આવ્યો છે, જેમને અગાઉથી ચેતવણી આપવામાં આવી હતી.
ટ્રમ્પનું નિવેદન
ડોનાલ્ડ ટ્રમ્પે કહ્યું,“કમાન્ડર ઇન ચીફ તરીકે મારા નિર્દેશ પર, અમેરિકાએ ઉત્તરપશ્ચિમ નાઇજીરીયામાં ISISના આતંકવાદીઓ સામે શક્તિશાળી અને ઘાતક હુમલો કર્યો છે. આ આતંકીઓ મુખ્યત્વે ખ્રિસ્તીઓને નિશાન બનાવી રહ્યા હતા. મેં અગાઉથી તેમને ચેતવણી આપી હતી કે જો આ હત્યાઓ બંધ નહીં થાય, તો પરિણામો ભોગવવા પડશે, અને આજે તે થયું.”
તેમણે વધુમાં ઉમેર્યું કે યુએસ ડિપાર્ટમેન્ટ ઓફ ડિફેન્સે અત્યંત ચોકસાઈ સાથે અનેક હુમલાઓ કર્યા છે. “મારા નેતૃત્વમાં અમેરિકા કટ્ટરપંથી ઇસ્લામિક આતંકવાદને ક્યારેય ફેલાવા દેશે નહીં,” એમ ટ્રમ્પે જણાવ્યું.
ISIS-વેસ્ટ આફ્રિકા વિશે
યુએસ નેશનલ કાઉન્ટરટેરરિઝમ સેન્ટરના જણાવ્યા મુજબ, ISIS-વેસ્ટ આફ્રિકા (ISIS-WA)ની સ્થાપના 2015માં થઈ હતી, જ્યારે બોકો હરામે ISIS પ્રત્યે વફાદારી જાહેર કરી હતી. આ આતંકી સંગઠન છેલ્લા ઘણા વર્ષોથી લશ્કરી ઠાણાં, સરકારી માળખાં અને ખાસ કરીને ખ્રિસ્તી સમુદાયને નિશાન બનાવી રહ્યું છે.
અન્ય વિસ્તારોમાં પણ કાર્યવાહી
આ પહેલા પણ અમેરિકાએ ISIS સામે મોટા પાયે કાર્યવાહી કરી છે. 19 ડિસેમ્બરે યુએસ અને જોર્ડન દળોએ સીરિયામાં ISISના ઠેકાણાઓ પર મોટા પાયે હવાઈ હુમલા કર્યા હતા. યુએસ સેન્ટ્રલ કમાન્ડ (CENTCOM) અનુસાર, આ અભિયાન દરમિયાન 100થી વધુ ચોકસાઇવાળા શસ્ત્રોનો ઉપયોગ કરીને ISISના 70થી વધુ સ્થળોને નિશાન બનાવવામાં આવ્યા હતા.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
