આજથી ટ્રેન મુસાફરી મોંઘી: રેલવેએ ભાડા વધારાનું નોટિફિકેશન જાહેર કર્યું, જાણો કેટલો વધારો થયો

ટ્રેનમાં મુસાફરી કરતા મુસાફરો માટે મહત્વના સમાચાર સામે આવ્યા છે. રેલવે મંત્રાલયે ટ્રેન ટિકિટના ભાડામાં વધારો કરવાનો સત્તાવાર નોટિફિકેશન જાહેર કર્યો છે. આ નવા ભાડા દરો આજથી અમલમાં આવ્યા છે, જેના કારણે લાંબા અંતરની મુસાફરી હવે થોડી મોંઘી બનશે.

રેલ્વેએ સ્પષ્ટ કર્યું છે કે 215 કિલોમીટર સુધીની બીજી વર્ગની સામાન્ય ટ્રેન મુસાફરી માટે ભાડામાં કોઈ વધારો કરવામાં આવ્યો નથી. જોકે, 215 કિમીથી વધુ અંતરની મુસાફરી માટે વિવિધ વર્ગોમાં ભાડામાં વધારો લાગુ થશે.

કેટલો થયો ભાડામાં વધારો?
નવા નોટિફિકેશન મુજબ,
– સામાન્ય વર્ગમાં (215 કિમીથી વધુ) પ્રતિ કિલોમીટર 1 પૈસાનો વધારો
– મેલ/એક્સપ્રેસ ટ્રેનોના નોન-એસી વર્ગો અને તમામ ટ્રેનોના એસી વર્ગોમાં પ્રતિ કિલોમીટર 2 પૈસાનો વધારો કરવામાં આવ્યો છે.

રેલવે મંત્રાલયે 21 ડિસેમ્બરે જાહેરાત કરી હતી કે આ નવા ભાડા દરો 26 ડિસેમ્બરથી અમલમાં આવશે. નોંધનીય છે કે આ વર્ષમાં બીજી વખત રેલ્વેએ પેસેન્જર ટ્રેન ભાડામાં વધારો કર્યો છે. અગાઉ જુલાઈ મહિનામાં પણ ભાડામાં સુધારો કરવામાં આવ્યો હતો.

મંત્રાલયનું કહેવું છે કે ભાડાનું તર્કસંગતકરણ મુસાફરો માટે પોષણક્ષમ ભાડા અને રેલ્વેના સંચાલન ખર્ચ વચ્ચે સંતુલન જાળવવા માટે કરવામાં આવ્યું છે.

અંતર પ્રમાણે ભાડા વધારો

મુસાફરીનું અંતર	ભાડામાં વધારો
0 – 215 કિ.મી.	કોઈ વધારો નહીં
216 – 750 કિ.મી.	₹5
751 – 1250 કિ.મી.	₹10
1251 – 1750 કિ.મી.	₹15
1751 – 2250 કિ.મી.	₹20

સ્લીપર ક્લાસમાં પ્રતિ કિલોમીટર 1 પૈસાનો અને એસી ક્લાસમાં પ્રતિ કિલોમીટર 2 પૈસાનો વધારો લાગુ પડશે.

ખાસ ટ્રેનો પર પણ લાગુ થશે વધારો
રાજધાની, શતાબ્દી, દુરંતો, વંદે ભારત, તેજસ, હમસફર, અમૃત ભારત, ગરીબ રથ, જન શતાબ્દી, અંત્યોદય, ગતિમાન, યુવા એક્સપ્રેસ, નમો ભારત રેપિડ રેલ સહિતની વિશેષ ટ્રેનોમાં પણ વર્ગ મુજબ આ વધારો લાગુ રહેશે. જોકે, આરક્ષણ ફી, સુપરફાસ્ટ ચાર્જ અને અન્ય શુલ્ક યથાવત રહેશે. GST નિયમ મુજબ લાગુ રહેશે.

ઉપનગરીય ટ્રેનો પર કોઈ અસર નહીં
રેલ્વેએ સ્પષ્ટ કર્યું છે કે ઉપનગરીય ટ્રેનો માટે સિંગલ ટિકિટ તેમજ ઉપનગરીય અને બિન-ઉપનગરીય બંને પ્રકારની સીઝન ટિકિટોમાં કોઈ ફેરફાર કરવામાં આવ્યો નથી.

મહત્વપૂર્ણ વાત એ છે કે નવા ભાડા માત્ર 26 ડિસેમ્બર, 2025ના રોજ અથવા ત્યાર બાદ બુક કરાયેલી ટિકિટો પર જ લાગુ પડશે. આ તારીખ પહેલાં બુક કરાયેલી ટિકિટો પર કોઈ વધારાનો ચાર્જ લેવામાં આવશે નહીં. સ્ટેશનો પર દર્શાવેલી ભાડાની યાદીઓ પણ નવા દરો મુજબ અપડેટ કરવામાં આવશે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in