Bindia
બોલિવૂડ એક્ટ્રેસ શિલ્પા શેટ્ટી ફરી એકવાર મુશ્કેલીમાં મુકાઈ છે. તેમના રેસ્ટોરન્ટ બિઝનેસ સાથે જોડાયેલા મામલે ઇન્કમ ટેક્સ વિભાગે મુંબઈમાં તેમના ઘરે દરોડા પાડ્યા છે. આ કાર્યવાહી બેંગાલુરૂ સ્થિત તેમના રેસ્ટોરન્ટ ‘બેસ્ટિયન’ સાથે સંકળાયેલી કથિત નાણાકીય અનિયમિતતાઓ અને ટેક્સ લેવડ-દેવડની તપાસ અંતર્ગત કરવામાં આવી છે.
માહિતી અનુસાર, ઇન્કમ ટેક્સ વિભાગે ગઈકાલે (17 ડિસેમ્બર) મુંબઈના દાદર વિસ્તારમાં આવેલા બેસ્ટિયન રેસ્ટોરન્ટ પર દરોડા પાડ્યા હતા. ત્યારબાદ આજે (18 ડિસેમ્બર) શિલ્પા શેટ્ટીના મુંબઈ સ્થિત નિવાસસ્થાને પણ તપાસ હાથ ધરવામાં આવી છે. વિભાગને શંકા છે કે રેસ્ટોરન્ટના બિઝનેસમાં આવક, રોકાણ અને ટેક્સ ચુકવણીને લઈને ગડબડ થઈ હોઈ શકે છે.
આ કાર્યવાહી માત્ર મુંબઈ સુધી સીમિત નથી. ઇન્કમ ટેક્સ વિભાગે બેંગાલુરૂમાં પણ રેસ્ટોરન્ટ અને તેની સાથે જોડાયેલી કંપનીઓના નાણાકીય દસ્તાવેજોની તપાસ શરૂ કરી છે. અધિકારીઓ વિવિધ ખાતાં, ટ્રાન્ઝેક્શન અને બિઝનેસ મોડલની તપાસ કરી રહ્યા હોવાનું જાણવા મળ્યું છે.
બુધવારે રેસ્ટોરન્ટ સામે નોંધાયો કેસ
ઉલ્લેખનીય છે કે બુધવારે બેંગાલુરૂ પોલીસે બેસ્ટિયન સહિત બે રેસ્ટોરન્ટ સામે નક્કી સમયથી વધુ સમય સુધી સંચાલન કરવાના આરોપમાં કેસ નોંધ્યો હતો. બેસ્ટિયન ગાર્ડન સિટી રેસ્ટોરન્ટમાં શિલ્પા શેટ્ટીની આશરે 50 ટકા ભાગીદારી હોવાનું જણાવવામાં આવી રહ્યું છે.
આ મામલે ચર્ચ સ્ટ્રીટ સ્થિત બેસ્ટિયન ગાર્ડન સિટી સામે નોંધાયેલી ફરિયાદ બાદ શિલ્પા શેટ્ટીએ પોતાની પ્રતિક્રિયા આપી હતી. તેમણે ઇન્સ્ટાગ્રામ પર નિવેદન જાહેર કરીને તમામ આરોપોને નકારી કાઢ્યા હતા. શિલ્પા શેટ્ટીએ જણાવ્યું હતું કે તેમના વિરૂદ્ધ લગાવવામાં આવેલા આરોપો સંપૂર્ણપણે પાયાવિહોણા અને પ્રેરિત છે તથા કાયદાકીય આધાર વગર મુદ્દાને ગુનાહિત રૂપ આપવાનો પ્રયાસ કરવામાં આવી રહ્યો છે.
હાલમાં ઇન્કમ ટેક્સ વિભાગની તપાસ ચાલુ છે. તપાસ પૂર્ણ થયા બાદ જ સમગ્ર મામલે આગળની કાર્યવાહી અને હકીકતો સ્પષ્ટ થવાની શક્યતા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
