Bindia
અમેરિકામાં ગોળીબારની ઘટનાઓ સતત વધતી જઈ રહી છે. પ્રતિષ્ઠિત બ્રાઉન યુનિવર્સિટીમાં ગોળીબાર થયો છે, જેમાં ઓછામાં ઓછા બે લોકોના મોત થયા છે અને આઠ લોકો ઘાયલ થયા હોવાનું સામે આવ્યું છે. ઘટનાને પગલે યુનિવર્સિટી કેમ્પસમાં ભયનો માહોલ છવાઈ ગયો છે.
સ્થાનિક પોલીસ અનુસાર, રવિવારે બ્રાઉન યુનિવર્સિટી વિસ્તારમાં અનેક લોકો પર ગોળીબાર કરવામાં આવ્યો હતો. જોકે, તપાસ અધિકારીઓએ હજુ સુધી ગોળીબારના કારણો, શૂટરની ઓળખ અથવા ઘટનાની સંપૂર્ણ વિગતો જાહેર કરી નથી.
યુનિવર્સિટીએ શૂટર એલર્ટ જાહેર કર્યું
ગોળીબારની ઘટના બાદ બ્રાઉન યુનિવર્સિટીએ તેની ઇમરજન્સી નોટિફિકેશન સિસ્ટમ મારફતે તાત્કાલિક એલર્ટ જારી કર્યું હતું. વિદ્યાર્થીઓ અને સ્ટાફને સુરક્ષિત સ્થળે આશ્રય લેવા અને બહાર ન નીકળવાની અપીલ કરવામાં આવી હતી. પ્રારંભિક માહિતીમાં યુનિવર્સિટી અધિકારીઓએ એક શંકાસ્પદ વ્યક્તિ કસ્ટડીમાં હોવાનો ઉલ્લેખ કર્યો હતો, પરંતુ બાદમાં સ્પષ્ટતા કરતા જણાવ્યું કે હજુ સુધી કોઈ શંકાસ્પદ ઝડપાયો નથી અને પોલીસ દ્વારા શોધખોળ ચાલુ છે.
બાર્સ અને હોલી બિલ્ડિંગ પાસે ગોળીબાર
અહેવાલો મુજબ, ગોળીબાર બાર્સ અને હોલી બિલ્ડિંગ પાસે થયો હતો. આ સાત માળનું સંકુલ છે, જેમાં યુનિવર્સિટીની સ્કૂલ ઓફ એન્જિનિયરિંગ અને ફિઝિક્સ વિભાગ આવેલો છે. યુનિવર્સિટીની વેબસાઇટ અનુસાર, આ બિલ્ડિંગમાં 100થી વધુ પ્રયોગશાળાઓ, અનેક વર્ગખંડો અને ઓફિસો આવેલાં છે. ચિંતાજનક વાત એ છે કે ગોળીબાર સમયે બિલ્ડિંગમાં એન્જિનિયરિંગ ડિઝાઇનની પરીક્ષા ચાલી રહી હતી, જેના કારણે મોટી સંખ્યામાં વિદ્યાર્થીઓ હાજર હતા.
સ્થાનિક પ્રશાસન અને ટ્રમ્પને મળી માહિતી
સ્થાનિક નેતા જોન ગોન્સાલ્વિસે જણાવ્યું,“અમે હજુ પણ ઘટનાની સંપૂર્ણ માહિતી એકત્ર કરી રહ્યા છીએ. લોકોને તેમના દરવાજા અને બારીઓ બંધ રાખવા અને સતર્ક રહેવાની સલાહ આપવામાં આવી છે.” તેમણે ઘટનાને લઈને દુઃખ વ્યક્ત કર્યું હતું. આ ગંભીર ઘટનાની જાણ અમેરિકાના રાષ્ટ્રપતિ ડોનાલ્ડ ટ્રમ્પને પણ કરવામાં આવી હોવાનું જાણવા મળ્યું છે. સંઘીય અને રાજ્ય સ્તરની એજન્સીઓ પરિસ્થિતિ પર નજર રાખી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
