Bindia
અમદાવાદના કાંકરિયા દીવાન બલ્લુભાઈ સ્કૂલ રોડ નજીક એક ગંભીર માર્ગ અકસ્માત સર્જાયો હતો, જેમાં અમદાવાદ મ્યુનિસિપલ ટ્રાન્સપોર્ટ સર્વિસ (AMTS)ની બસે એક યુવકને જોરદાર ટક્કર મારી હતી. આ અકસ્માતના કારણે સ્થાનિક વિસ્તારમાં થોડીવાર માટે દોડધામ મચી ગઈ હતી, અને લોકો એકઠા થઈ ગયા હતા.
AMTS બસના ચાલકે પુરપાટ ઝડપે યુવકને અડફેટે લીધો
ઘટનાની માહિતી મુજબ, અકસ્માતમાં ઘવાયેલો યુવક હિંમતનગરથી છૂટક મજૂરી માટે અમદાવાદ આવ્યો હતો. તે રોડ પરથી પસાર થઈ રહ્યો હતો, ત્યારે AMTS બસના ચાલકે તેને પૂરપાટ ઝડપે અડફેટે લીધો. આ ટક્કર એટલી જોરદાર હતી કે, યુવક જમીન પર પટકાયો અને તેને ગંભીર ઈજાઓ પહોંચી હતી. ઘટના બાદ આસપાસના લોકો તાત્કાલિક મદદ માટે દોડી આવ્યા હતા. ઇજાગ્રસ્ત યુવકને તુરંત હોસ્પિટલ ખસેડવામાં આવ્યો હતો, જ્યાં તેની સારવાર ચાલી રહી છે.
ટ્રાફિક જામની સ્થિતિ સર્જાઈ
આ અકસ્માતને કારણે રસ્તા પર ટૂંકા સમય માટે ટ્રાફિક જામની સ્થિતિ સર્જાઈ હતી. જોકે, ટ્રાફિક પોલીસની ટીમે ઘટનાસ્થળે પહોંચીને પરિસ્થિતિને નિયંત્રણમાં લઈ લીધી હતી.
AMTS બસના અકસ્માતોમાં વધારો
ટ્રાફિક પોલીસે AMTS બસના ચાલક વિરુદ્ધ કાયદેસરની કાર્યવાહી શરૂ કરી છે. અકસ્માતને લીધે પોલીસ એ તપાસ કરી રહી છે કે, આ ઘટના બસના ચાલકની બેદરકારીના કારણે બની હતી કે રાહદારીના દોષથી. પોલીસે આ અકસ્માત અંગે સાક્ષીઓના નિવેદનો અને અન્ય પુરાવા એકત્રિત કરવા પણ શરૂ કર્યા છે.
ટ્રાફિક નિયમોનું પાલન અને સાવધાનીની જરુરત
લાંબા સમયથી AMTS બસના અકસ્માતોમાં વધારો જોવા મળ્યો છે, જેના કારણે નિર્દોષ રાહદારીઓ અને અન્ય વાહનચાલકો ભોગ બની રહ્યા છે. આ ઘટના આદર્શ ઉદાહરણ છે કે, ચાલકો અને રાહદારીઓના માટે વધુ સાવધાની રાખવી અને ટ્રાફિક નિયમોને કડકપણે અનુસરીને, સખત પગલાં લેવાની આવશ્યકતા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
