Bindia
મોંઘવારીના સતત વધતા દોર વચ્ચે સામાન્ય જનતાને વધુ એક આર્થિક ઝટકો લાગ્યો છે. મધર ડેરીએ દૂધના ભાવમાં પ્રતિ લિટર ₹2નો વધારો કરવાની જાહેરાત કરી છે. નવા ભાવો આજથી (બુધવાર) દેશભરમાં અમલમાં આવ્યા છે, જેમાં દિલ્હી-એનસીઆર સહિતના તમામ મેટ્રો શહેરો અને રાજ્યોનો સમાવેશ થાય છે.
રોજના વેચાણ પર સીધી અસર
મધર ડેરી દ્વારા આપેલી માહિતી મુજબ, કંપની દિલ્હીમાં દરરોજ લગભગ 35 લાખ લિટર દૂધનું વિતરણ કરે છે. ભાવમાં વધારાથી લાખો ગ્રાહકોની ખિસ્સા પર સીધી અસર થશે. મધર ડેરીના નવા ભાવો મુજબ, ટોન્ડ, ડબલ ટોન્ડ અને ફુલ ક્રીમ દૂધ સહિત વિવિધ પ્રકારના દૂધના પેકમાં ભાવ વધારો કરવામાં આવ્યો છે.
દૂધના નવા ભાવ (પ્રતિ લિટર):
| દૂધનો પ્રકાર | જૂનો ભાવ (₹) | નવો ભાવ (₹) |
|---|---|---|
| ટોન્ડ દૂધ (પાઉચ) | 56 | 57 |
| ફુલ ક્રીમ દૂધ (પાઉચ) | 68 | 69 |
| ડબલ ટોન્ડ દૂધ | 49 | 51 |
| ગાયનું દૂધ | 57 | 59 |
| પેક વગરનું ટોન્ડ દૂધ | 54 | 56 |
ભાવ વધારાનું કારણ શું?
મધર ડેરીના પ્રવક્તાએ જણાવ્યું કે ભાવ વધારાનું મુખ્ય કારણ દૂધ ઉત્પાદન ઘટવું છે. કંપની મુજબ ઉનાળાની ઋતુની વહેલી શરૂઆત અને કઠોર ગરમીના કારણે પશુઓનું દૂધ ઉત્પાદન ઘટ્યું છે. સાથે જ, ખેડૂતો પાસેથી દૂધ ખરીદવાની કિંમતમાં પણ 4-5 રૂપિયાનો વધારો થયો છે, જેના લીધે આ નિર્ણય લેવાયો છે. આ નિર્ણયની સીઘી અસર સામાન્ય પરિવારના રોજિંદા બજેટ પર પડશે, ખાસ કરીને મધ્યમ વર્ગ માટે. દૂધ એ ઘરગથ્થુ બજેટનો મુખ્ય ઘટક છે અને તેના ભાવમાં ચડાવ ચિંતાનો વિષય બની રહ્યો છે.
