Bindia
ગુજરાતના વહીવટી તંત્ર માટે ગૌરવની વાતરૂપે બે સિનિયર IAS અધિકારીઓને કેન્દ્ર સરકારમાં મહત્વપૂર્ણ હોદ્દાઓ પર નિયુક્તિ આપવામાં આવી છે. વડાપ્રધાન નરેન્દ્ર મોદીના નેતૃત્વ હેઠળ કેબિનેટ નિમણૂક સમિતિ (ACC) દ્વારા આ મહત્વપૂર્ણ નિર્ણય લેવામાં આવ્યો છે.
મોના ખંધારને સામાજિક ન્યાય વિભાગમાં મોટી જવાબદારી
1996 બેચની IAS અધિકારી મોના ખંધારને ભારત સરકારના સામાજિક ન્યાય અને સશક્તિકરણ વિભાગમાં એડિશનલ સેક્રેટરી તરીકે નિયુક્ત કરવામાં આવી છે. તેઓ હાલમાં ગુજરાતમાં અધિક મુખ્ય સચિવ કક્ષાના અધિકારી તરીકે સેવા આપી રહ્યા હતા.
આરતી કંવર હવે ટેક્સટાઇલ મંત્રાલયમાં
2001 બેચની IAS અધિકારી આરતી કંવરને કેન્દ્રીય કાપડ મંત્રાલયમાં એડિશનલ સેક્રેટરી તરીકે નવી જવાબદારી સોંપવામાં આવી છે. તેઓ અત્યાર સુધી ગુજરાતમાં સ્ટેટ ટેક્સ કમિશનર તરીકે કામગીરી સંભાળી રહ્યા હતા.
વિજય નહેરાને બઢતી
કેન્દ્રમાં પહેલાથી જ સેવા આપી રહેલા IAS અધિકારી વિજય નેહરાને આરોગ્ય અને પરિવાર કલ્યાણ મંત્રાલયમાં પ્રમોશન આપીને વધુ જવાબદારી સોંપવામાં આવી છે. હવે તેઓ એડિશનલ સેક્રેટરી લેવલ પર કાર્ય કરશે.
ગુજરાત કેડરનું વધતું મહત્વ
આ નિમણૂકોને કારણે ગુજરાત કેડરના અધિકારીઓનું કેન્દ્રમાં વધતું વર્ચસ્વ સ્પષ્ટ થાય છે. નિષ્ણાતોના મતે, આથી રાજ્ય અને કેન્દ્ર વચ્ચે સંકલન વધુ મજબૂત બનશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
