Bindia
અવકાશયાત્રી સુનિતા વિલિયમ્સ જેઓ 9 મહિનાથી વધુ સમયથી આંતરરાષ્ટ્રીય અવકાશ મથક પર તેમના સાથી બૂચ વિલ્મોર સાથે અટવાયેલા છે તેમને લઇને એક સારા સમાચાર આવ્યા છે, . આંતરરાષ્ટ્રીય અવકાશ એજન્સી નાસાએ રવિવારેજણાવ્યું હતું કે સુનિતા વિલિયમ્સ મંગળવાર સાંજે તેમના સાથીબૂચ વિલ્મોર સાથે પૃથ્વી પર પરત ફરશે. તેઓ તેમના સમયપત્રકના એક દિવસ પહેલા પૃથ્વી પર પરત ફરી રહ્યા છે. નાસા અને સ્પેસએક્સે એજન્સીના ક્રૂ-10 મિશનની વાપસી માટે ફ્લોરિડાના દરિયાકાંઠે હવામાન અને સ્પ્લેશડાઉન પરિસ્થિતિઓનું મૂલ્યાંકન કરવા માટે એક બેઠક પણ યોજી હતી
સુનિતા વિલિયમ્સ ભારતીય સમય મુજબ સવારે 3:30 વાગ્યે પરત ફરશે :- નાસાએ રવિવારે એક નિવેદન જારી કરીને કહ્યું, “અવકાશયાત્રીઓ મંગળવારે સાંજે આશરે 5.57 વાગ્યે (2157 GMT) ઉતરાણ કરશે.” ભારતીય સમય મુજબ, સુનિતા વિલિયમ્સ સવારે 3:30 વાગ્યે પૃથ્વી પર ઉતરશે. અગાઉ, તેમની ઉતરાણ તારીખ બુધવાર માટે નક્કી કરવામાં આવી હતી, પરંતુ હવામાન અનુકૂળ બન્યા પછી, તે વહેલી નક્કી કરવામાં આવી હતી. નાસા સતત પરિસ્થિતિ પર નજર રાખી રહ્યું છે.
લેન્ડિંગનું લાઈવ પ્રસારણ કરવામાં આવશે :- નાસાએ એવી પણ જાહેરાત કરી છે કે તેઓ ક્રૂ-૧૦ ના વાપસીનું લાઈવ પ્રદર્શન કરશે અને અપડેટેડ શેડ્યૂલ તેમની વેબસાઇટ પર શેર કરશે. અવકાશયાત્રી નિક હેગ અને રોસકોસ્મોસ અવકાશયાત્રી એલેક્ઝાન્ડર ગોર્બુનોવ, જેઓ સુનિતા વિલિયમ્સ અને બુચ વિલ્મોરને પાછા લાવવા ગયા હતા, તેઓ પણ ડ્રેગન કેપ્સ્યુલ પર પાછા ફરશે. સોમવારે સાંજે હેચ બંધ કરવાની તૈયારીઓ સાથે પરત યાત્રાનું લાઇવ ટેલિકાસ્ટ શરૂ થશે.
તે 7 દિવસ માટે ગઈ હતી પણ 9 મહિના પછી પાછી આવી રહી છે :- સુનિતા વિલિયમ્સ અને બુચ વિલ્મોર માટે, નવ મહિનાનો અણધાર્યો રોકાણ સમાપ્ત થવાનો છે. બંને ગયા વર્ષે જૂન 2024માં બોઇંગના સ્ટારલાઇનર દ્વારા ISS પર પહોંચ્યા હતા. આ મિશન સાત દિવસ માટે નક્કી કરવામાં આવ્યું હતું, પરંતુ સ્ટારલાઇનરમાં ટેકનિકલ સમસ્યાઓના કારણે તેઓ ત્યાં જ અટવાઈ ગયા, ત્યારબાદ નાસાએ હવે તેમને લાવવા માટે બીજી ટીમ ISS મોકલી.
Follow us On Social Media
🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I
