Bindia
ભાજપના રાષ્ટ્રીય અધ્યક્ષ અને રાજ્યસભામાં ગૃહના નેતા જેપી નડ્ડાએ આજે સવારે 11 વાગ્યે રાજ્યસભામાં સંવિધાન દિવસ પર ચર્ચા શરૂ કરી. આ દરમિયાન તેમણે કહ્યું કે ભારત લોકશાહીની માતા છે.તેમણે કહ્યું કે ચર્ચાથી સંવિધાન મજબૂત બને છે. જો આપણે ઋગ્વેદ, અર્થવેદ અને જૂના ગ્રંથોની વાત કરીએ તો સભા, સમિતિ, સંસદ શબ્દો વપરાય છે. આ દર્શાવે છે કે આપણી સંસ્કૃતિમાં ચર્ચાઓ હાજર રહી છે. આ દરમિયાન તેમણે કહ્યું કે સંવિધાન પર કમળની છાપ છે.
-> ‘તે લોકશાહીની માતા છે’ :- કેન્દ્રીય મંત્રી જેપી નડ્ડાએ રાજ્યસભામાં કહ્યું, સંવિધાન દિવસનો તહેવાર ઉજવીએ છીએ, તે એક રીતે બંધારણ પ્રત્યેના આપણા સમર્પણને, બંધારણ પ્રત્યેની આપણી પ્રતિબદ્ધતાને મજબૂત બનાવે છે..” આપણે બધા જાણીએ છીએ કે ભારત સૌથી મોટી લોકશાહી છે પરંતુ આપણા વડાપ્રધાને કહ્યું તેમ, તે માત્ર સૌથી મોટી લોકશાહી જ નથી પરંતુ તે લોકશાહીની માતા છે.
-> સંવિધાનમાં કમળની છાપ છે :- રાજ્યસભામાં ગૃહના નેતા જેપી નડ્ડાએ કહ્યું, “આજકાલ, જ્યારે આપણે સંસ્કૃતિ વિશે વાત કરીએ છીએ, ત્યારે ઘણા લોકો પીડા અનુભવે છે. હું તેમના ધ્યાન પર લાવવા માંગુ છું કે સંવિધાનની મૂળ નકલ પર અજંતા-ઇલોરાની ગુફાઓની છાપ છે, કમળની છાપ છે, જે દર્શાવે છે કે આપણે નવી પ્રભાત સાથે ઉભા રહેવા માટે તૈયાર છીએ.તેમણે વધુમાં કહ્યું કે, “આપણું બંધારણ પણ કમળના ફૂલથી આપણને પ્રેરણા આપે છે કે તમામ મુશ્કેલીઓ છતાં આપણે લોકશાહીને મજબૂત કરવા માટે કોઈ કસર છોડવી જોઈએ નહીં. આ બતાવે છે કે બાબા સાહેબ આંબેડકર કેવા સ્વપ્નદ્રષ્ટા હતા.”
Bindia Digital
