Bindia
B india વડોદરા :- વડોદરાની વિશ્વવિખ્યાત મહારાજા સયાજીરાવ યુનિવર્સિટી ફરી વિવાદમાં આવી છે. આર્ટસ ફેકલ્ટીના આસિસ્ટન્ટ પ્રોફેસર દ્વારા વિદ્યાર્થિનીની જાતીય સતામણી કરવામાં આવી હોવાની ઘટના સામે ખળભળાટ મચી જવા પામ્યો છે. વિદ્યાર્થિનીએ મહિલા ફરિયાદ નિવારણ સમિતિમાં પોતાની વ્યથા રજૂ કરી હતી. તે બાદ તાત્કાલિક અસરથી આસિ. પ્રોફેસરની ઓફિસને સીલ કરી દેવામાં આવી છે. અને આ મામલે સમિતિ દ્વારા ઝીણવટભરી તપાસ હાથ ધરવામાં આવી રહી છે.
વડોદરાની MS યુનિ.માં અભિયાસ કરતી વિદ્યાર્થિનીએ આસિ. પ્રોફેસર મોહમદ અઝહર પર ગંભીર આરોપો મુક્યા છે. વિદ્યાર્થિનીએ આ ફરિયાદ યુનિ.ની મહિલા ફરિયાદ નિવારણ સમિતિમાં કરી હોવાનું જાણવા મળી રહ્યું છે. વિદ્યાર્થિનીના આરોપ અનુસાર, પ્રોફેસર દ્વારા તેની જાતીય સતામણી કરવામાં આવતી હતી. લંપટ પ્રોફેસરે વિદ્યાર્થિનીને પાસ કરવા માટેનું પ્રલોભમ પણ આપ્યું હતું.
-> તાત્કાલિક ધોરણે પ્રોફેસરને કરાયો સસ્પેન્ડ :- વિદ્યાર્થિનીના સનસનીખેજ આરોપ અનુસાર, પ્રોફેસરે વિદ્યાર્થિનીને મુસ્લિમ ધર્મ આપનાવી લે, તને પાસ કરાવીને સારી નોકરી અપાવી દઇશ, તેવો મેસેજ કર્યો હતો. જો કે, વિદ્યાર્થિની આસિ. પ્રોફેસરના તાબે થઇ ન્હતી, અને તેણીએ મક્કમતાપૂર્વક આ અંગેની ફરિયાદ યુનિ.ની મહિલા ફરિયાદ નિવારણ સમિતિ સમક્ષ કરી હતી. જે બાદ મામલાની ગંભીરતાને ધ્યાને રાખીને તાત્કાલિક ધોરણે પ્રોફેસરની ઓફિસને સીલ કરી દેવામાં આવી છે. આ સાથે પ્રોફેસરનો જવાબ લઇને તેને સસ્પેન્ડ કરી દેવામાં આવ્યો છે.
