Bindia
વિદ્યાર્થીઓને હાકી કાઢવાની ઘટનામાં વાલીઓએ પોદાર શાળા અને સંચાલકો પર ગંભીર આરોપ લગાવ્યા. વાલીઓએ આક્ષેપ કર્યો કે પોદ્દાર સ્કૂલ ફક્ત ઓનલાઇન ડ્રેસ વેચે છે. અને શાળા દ્વારા વેચાતા કપડાં બહુ મોંઘા હોય છે. બે બાળકોના ડ્રેસની કિંમત રૂ.28 હજાર જેટલી થતી હોય છે. આથી જેમના બે બાળકો હોય તેમના માથે વધારે ખર્ચ આવે છે. સ્કૂલમાં મોંઘા કપડાં હોવાથી તેમણે બહારની દુકાનમાંથી કપડાં લીધા. શાળા દ્વારા અપાતા કપડાં મોંઘા હોવાથી તેમને આર્થિક રીતે સમસ્યાનો સામનો કરવો પડે છે. બહારના કપડાં પર સ્કૂલનો લોગો ન હોવાથી બાળકોને શાળાની બહાર કાઢી મુકાયા હતા.
પોદાર શાળાના સંચાલકોએ જે વિદ્યાર્થીઓના સ્વેટર પર લોગો ન હોય તેમનું સ્વેટર પણ ઉતારી દીધું. એકબાજુ સરકારે રાજ્યની તમામ શાળાને નિર્દેશ કર્યો છે કે વિદ્યાર્થીઓ કોઈપણ કલરના સ્વેટર પહેરી શકે છે. ત્યારે પોદાર શાળામાં સ્વેટર પર લોગો ના હોવાથી વિદ્યાર્થીઓ સાથે ખરાબ વર્તન કરી તેમના સ્વેટર ઉતારી લેવામાં આવ્યા છે.
વિદ્યાર્થીઓ સાથે ગેરવર્તૂણંક કરાતા વાલીઓમાં રોષ જોવા મળ્યો. જ્યારે વાલીઓએ આ મામલે રજુઆત કરી ત્યારે તેમને ટ્રાન્સફર સર્ટિફિકેટ આપવાની ધમકી અપાઈ હતી. શાળા અભ્યાસના બદલે અન્ય બાબતોમાં વધુ પડતો ખર્ચ કરાવતી હોવાનો વાલીઓએ આરોપ લગાવ્યો. પોદાર શાળાના રોષે ભરાયેલા વાલીઓ વાલી મંડળની આગેવાનીમાં રજુઆત કરવા પહોચ્યા હતા.
