Bindia
રાજ્યમાં સતત બોમ્બની ધમકીના કિસ્સાઓ સામે આવી રહ્યા છે. આ દરમિયાન બોમ્બની ધમકીની વધુ એક ઘટના સામે આવી છે. વડોદરામાં આવેલી GIPCL કંપનીને બોમ્બથી ઉડાવી દેવાની ધમકી માંલઈ હતી. જેને લઈને તંત્ર દોડતું થયું છે. ધમકીની જાણ પોલીસતંત્રને થતાં જ ઉચ્ચ અધિકારીઓ સહિત વિવિધ તપાસ એજન્સીઓ ઘટના સ્થળે પહોંચી ત્રણ કલાક સુધી સર્ચ ઓપરેશન હાથ ધરવામાં આવ્યું હતું. જોકે કોઈ શંકાસ્પદ વસ્તુ ન મળતા તંત્રએ રાહતનો શ્વાસ લીધો છે.
વડોદરાના જવાહરનગર પોલીસ હદ વિસ્તારમાં આવેલ ધનોરા ગામ પાસે આવેલ જીઆઈપીસીએલ કંપનીને બોમ્બથી ઉડાવી દેવાની ધમકી ભર્યા મેલનેને લઈ દોડધામ મચી ગઈ હતી. આ અંગેની જાણ વડોદરા શહેર પોલીસને કરતા ઉચ્ચ અધિકારીઓ સહિત વિવિધ તપાસ એજન્સીઓ ઘટના સ્થળે પહોંચી ત્રણ કલાક સુધી સર્ચ કર્યું હતું. કોઈ વાંધાજનક વસ્તુ ન મળતા પોલીસ અને કર્મચારીઓએ રાહતનો શ્વાસ લીધો હતો. હાલ મેઈલ મોકલનારની તપાસ હાથ ધરવામાં આવી છે.
કંપનીના MD ને મળ્યો હતો ઇમેલ
વડોદરામાં આવેલી GIPCL કંપનીમાં થર્મલ, રીન્યુએબલ અને માઇન્સનું પ્રોડક્શન થાય છે. આ સાથે જ સૌથી મોટો સોલાર પાવર પ્લાન્ટ પણ કંપનીમાં છે. ત્યારે આ કંપનીના એમડીને ધમકી ભર્યો એ મેઇલ મળ્યો હતો. જેમાં મેલની અંદર બોમ્બ મૂક્યો હોવાની માહિતી દર્શાવવામાં આવી હતી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
