Bindia
ભારતના રાષ્ટ્રીય ધોરીમાર્ગો પર માર્ગ સલામતીએ હવે એક નવો ટેકનોલોજીકલ મોરચો સર કર્યો છે. નેશનલ હાઇવે ઓથોરિટી ઓફ ઇન્ડિયા (NHAI) એ રિલાયન્સ Jio સાથે Memorandum of Understanding (MoU) પર હસ્તાક્ષર કરી મોબાઇલ આધારિત 4G/5G હાઇવે સેફ્ટી એલર્ટ સિસ્ટમ શરૂ કરવાની તૈયારી કરી છે. આ પહેલથી દેશનાં 500 મિલિયનથી વધુ Jio વપરાશકર્તાઓને કોઈપણ વધારાના હાર્ડવેર વિના રિયલ-ટાઈમ સલામતી ચેતવણીઓ મળી શકશે.
કઈ રીતે કામ કરશે આ મોબાઇલ-આધારિત સેફ્ટી સિસ્ટમ?
આ સંપૂર્ણપણે સ્વચાલિત સિસ્ટમ હેઠળ વપરાશકર્તાને તેના ચોક્કસ લોકેશનના આધારે નીચે મુજબની ચેતવણીઓ મળશે:
– અકસ્માત-સંભવિત ઝોન
– ધુમ્મસવાળા વિસ્તાર
– રખડતા પ્રાણીઓનો ખતરો
અચાનક ડાયવર્ઝન અથવા રોડ બ્લોક
ચેતવણીઓ SMS, WhatsApp, અને high-priority calls દ્વારા મોકલવામાં આવશે જેથી ડ્રાઇવરોને તરત જ આગાહિ મળી રહે અને અકસ્માતોનો જોખમ ઘટે.
NHAI ની ‘રાજમાર્ગયાત્રા’ એપ સાથે સંકલન
NHAI મુજબ, આ નવી ચેતવણી વ્યવસ્થા ટૂંક સમયમાં ‘રાજમાર્ગયાત્રા’ એપ અને ઇમરજન્સી હેલ્પલાઇન 1033 સાથે સંકલિત થશે. આથી વપરાશકર્તાઓને એક જ પ્લેટફોર્મ પર મળશે:
– રિયલ-ટાઈમ ટ્રાફિક સ્થિતિ
– રોડ કન્ડિશન અપડેટ
– કટોકટી સહાય સેવાઓ
– પાઇલટ પ્રોજેક્ટથી શરૂઆત
સિસ્ટમની શરૂઆત અમુક પસંદગીના નેશનલ હાઇવે પરથી પાઇલટ પ્રોજેક્ટ રૂપે કરવામાં આવશે. સફળ પરીક્ષણ બાદ, દેશના તમામ મુખ્ય હાઇવે પર આ સિસ્ટમ રોલઆઉટ કરવામાં આવશે.
આ ભાગીદારી દર્શાવે છે કે સરકાર અને ખાનગી ટેક કંપનીઓ મળીને કેવી રીતે ટેકનોલોજી દ્વારા લાખો મુસાફરોના જીવ બચાવવા માટે નવા માપદંડ સ્થાપિત કરી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
