Bindia
પશ્ચિમ બંગાળના મુખ્યમંત્રી મમતા બેનર્જીએ એન્ફોર્સમેન્ટ ડિરેક્ટોરેટ (ED) અને કેન્દ્ર સરકાર પર ગંભીર આરોપ લગાવ્યા છે. તેમણે કહ્યું કે ED દ્વારા તેમની પાર્ટી તૃણમૂલ કોંગ્રેસ (TMC)ના મહત્વના દસ્તાવેજો અને ડેટા શીટ્સ કબ્જામાં લેવામાં આવ્યા છે.
મમતા બેનર્જીએ ગૃહમંત્રી અમિત શાહ પર પણ પ્રહાર કરતાં કહ્યું કે કેન્દ્ર સરકાર રાજકીય બદલો લેવાના ઇરાદાથી તપાસ એજન્સીઓનો દુરુપયોગ કરી રહી છે. તેમણે પ્રશ્ન ઉઠાવ્યો કે, “જો હું પણ ભાજપના પાર્ટી ઓફિસમાં રેડ પાડું તો શું થશે?”
મુખ્યમંત્રીએ વધુમાં આરોપ લગાવ્યો કે ચૂંટણીને ધ્યાનમાં રાખીને રાજ્યમાં SIR પ્રક્રિયા મારફતે મતદારોના નામ યાદીમાંથી ડિલીટ કરવામાં આવી રહ્યા છે. તેમણે કહ્યું કે આ લોકશાહીને નુકસાન પહોંચાડવાની કોશિશ છે.
ઉલ્લેખનીય છે કે ફર્જી સરકારી નોકરી કૌભાંડ મામલે EDની ટીમે કોલકાતાના 15 સ્થળોએ રેડ કરી હતી. આ દરમિયાન મમતા બેનર્જી ખુદ IPACના સેક્ટર-5 સ્થિત ઓફિસે પહોંચ્યા હતા.
પાર્ટી ઓફિસમાં પહોંચ્યા બાદ મમતા બેનર્જીએ નારાજગી વ્યક્ત કરતાં કહ્યું કે કોઈ પાર્ટીના હાર્ડ ડિસ્ક, ઉમેદવારોની યાદી, પાર્ટીની રણનીતિ અને આયોજન કેવી રીતે લઈ શકાય? શું આ બધું EDની ફરજમાં આવે છે? તેમણે આરોપ લગાવ્યો કે તપાસના નામે પાર્ટી સંબંધિત ગુપ્ત માહિતી એકત્રિત કરવામાં આવી રહી છે.
મમતા બેનર્જીના આ નિવેદન બાદ પશ્ચિમ બંગાળની રાજનીતિમાં ગરમાવો આવ્યો છે અને કેન્દ્ર–રાજ્ય વચ્ચેનો તણાવ વધુ વધી ગયો છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
