Bindia Digital
‘ઇન્ડિયન આઇડલ 12’ના વિજેતા અને લોકપ્રિય ગાયક પવનદીપ રાજનનો મુરાદાબાદ નજીક ગમખ્વાર અકસ્માત થયો છે. અમદાવાદમાં મ્યુઝિકલ શો માટે જતાં સમયે તેમની કાર રાત્રે ડમ્પર સાથે અથડાઈ હતી. દુર્ઘટનાની તીવ્રતા એટલી વધુ હતી કે પવનદીપ, ડ્રાઈવર અને તેમના મિત્રને ગંભીર ઇજાઓ પહોંચી છે. હાલ ત્રણેયને નોઈડાની ખાનગી હોસ્પિટલના ICUમાં દાખલ કરવામાં આવ્યા છે અને પવનદીપની હાલત નાજુક જણાવાઈ છે.
કેવી રીતે થયો અકસ્માત?:- સોમવારની વહેલી સવારે લગભગ 3:40 વાગ્યે, પવનદીપ તેમના વતન ચંપાવતથી દિલ્હી એરપોર્ટ જઇ રહ્યા હતા, જ્યાંથી તેમને અમદાવાદ આવવાનું હતું. પરંતુ ગજરૌલા પોલીસ સ્ટેશન વિસ્તારમાં ચોપાલા ક્રોસિંગ ઓવરબ્રિજ પરથી પસાર થતી વખતે MG Hector કાર ડમ્પર પાછળ અથડાઈ ગઈ. ડ્રાઈવર રાહુલ ઝોકું આવી જતાં કાર સીધી ડમ્પર પાછળ જઈ અથડાઈ.
ઘટનાની જાણ થતાં જ પોલીસ ઘટના સ્થળે પહોંચી ગઈ અને ત્રણે ઘાયલને હોસ્પિટલમાં ખસેડ્યા. તાત્કાલિક સારવાર બાદ તેમને મુરાદાબાદથી ડિડૌલી અને ત્યાર બાદ નોઈડા ખાતે રેફર કરવામાં આવ્યા. પવનદીપના ડાબા હાથ અને પગમાં ગંભીર ઈજાઓ થઈ છે.
ફેન્સમાં ચિંતાનો માહોલ:- પવનદીપના સ્વાસ્થ્યને લઈને તેમના ચાહકો ખૂબ જ ચિંતિત છે અને સોશિયલ મીડિયામાં તેમના માટે દુઆઓ થઈ રહી છે. પવનદીપના મેનેજરે જણાવ્યું છે કે હાલ તેઓ સતત ડોક્ટરની નજર હેઠળ છે અને ટૂંક સમયમાં વધુ સારી સારવાર માટે મોટી હોસ્પિટલમાં ખસેડવામાં આવશે.
પવનદીપનું સંગીતયાત્રા સફર:- પવનદીપ રાજન માત્ર ‘ઇન્ડિયન આઇડલ 12’નો વિજેતા જ નથી, પરંતુ તેઓ પહેલા ‘ધ વોઇસ ઇન્ડિયા’ (2015) ના વિજેતા પણ રહી ચૂક્યા છે. તેમના મ્યુઝિક કરિયરમાં અત્યારસુધીમાં 1200થી વધુ લાઈવ શો, 13 દેશોમાં પરફોર્મન્સ અને અનેક મ્યુઝિક પ્રોજેક્ટોનો સમાવેશ થાય છે. હિમેશ રેશમિયાએ તેમને 10 ગીતોની ઓફર આપી છે અને બપ્પી લહેરીએ સોનાની ચેઇન ભેટ આપી હતી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Bindia
