Bindia
ભારત અને United States વચ્ચેના વેપાર સંબંધોમાં મહત્વપૂર્ણ વળાંક આવવાની શક્યતા છે. 20 એપ્રિલથી વોશિંગ્ટન ડી.સી.માં ત્રણ દિવસ સુધી હાઈ-લેવલ બેઠક યોજાનાર છે, જેમાં ટ્રેડ ડીલને લઈને નિર્ણાયક ચર્ચા થશે.
ભારત તરફથી એક ડઝન જેટલા અધિકારીઓની ટીમ અમેરિકા પહોંચી રહી છે, જેનું નેતૃત્વ વાણિજ્ય વિભાગના અધિક સચિવ દર્પણ જૈન કરી રહ્યા છે. બદલાતા ટેરિફ નિયમોને ધ્યાનમાં રાખીને બંને દેશો નવા કરાર માટે સંમતિ મેળવવાનો પ્રયાસ કરશે. ટેરિફ નિયમોમાં બદલાવને કારણે બંને દેશો વચ્ચેના જૂના વેપાર સમીકરણો પર અસર પડી છે. ડોનાલ્ડ ટ્રમ્પ દ્વારા લાગુ કરાયેલા ટેરિફને લઈને સ્થિતિ બદલાતા હવે નવા માળખાની જરૂરિયાત ઉભી થઈ છે.
જૂના કરાર મુજબ અમેરિકા ભારતીય માલ પર ટેરિફ ઘટાડવા સંમત થયું હતું, પરંતુ નવા 10 ટકા સમાન ટેરિફના નિયમ પછી ભારતને મળતો ખાસ ફાયદો ઘટતો જણાય છે. તેથી હવે આ ડીલને ફરીથી ગોઠવવા (‘રીકેલિબ્રેટ’) પર ભાર મુકવામાં આવી રહ્યો છે. આ વચ્ચે, Chinaએ ફરી એકવાર ભારતનું સૌથી મોટું ટ્રેડિંગ પાર્ટનર બનવાનું સ્થાન મેળવ્યું છે. ભારત-ચીન વચ્ચેનો વેપાર 151.1 અબજ ડોલર સુધી પહોંચી ગયો છે, જ્યારે અમેરિકા સાથેનો ટ્રેડ સરપ્લસ ઘટ્યો છે.
આ મહત્વપૂર્ણ બેઠકમાં ભારત અમેરિકા પાસેથી ઊર્જા ઉત્પાદનો, વિમાન અને ટેકનોલોજી ખરીદવાના સંકેતો આપી રહ્યું છે. બદલામાં ભારત કૃષિ અને ઔદ્યોગિક ઉત્પાદનો માટે વધુ સારી માર્કેટ ઍક્સેસની માંગ કરી શકે છે. હવે બંને દેશોની નજર આ બેઠકના પરિણામો પર ટકેલી છે, જે ભવિષ્યના વેપાર સંબંધોને નવી દિશા આપી શકે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
