Bindia
રશિયાના રાષ્ટ્રપતિ વ્લાદિમીર પુતિનની તાજેતરની ભારત મુલાકાત પછી ચીને ખૂબ જ સકારાત્મક પ્રતિભાવ આપ્યો છે. બેઇજિંગે જણાવ્યું છે કે ભારત, ચીન અને રશિયા ત્રણ ઊભરતી અર્થવ્યવસ્થાઓ છે અને ગ્લોબલ સાઉથમાં મહત્વપૂર્ણ શક્તિઓ તરીકે સામે આવ્યા છે. વૈશ્વિક સ્થિરતા અને પ્રાદેશિક શાંતિ માટે આ ત્રણેય દેશો વચ્ચે મજબૂત ત્રિપક્ષીય સહયોગ અનિવાર્ય ગણાયો છે.
પુતિનની ટિપ્પણીને વિશ્વાસનું પ્રતીક ગણાવ્યું
ચીનના વિદેશ મંત્રાલયના પ્રવક્તા ગુઓ જિયાકુને પુતિનનું નિવેદન “ભારત અને ચીન આપણા સૌથી નજીકના મિત્રો છે” ને ખૂબ જ મહત્વપૂર્ણ ગણાવ્યું છે. ચીન અનુસાર આ નિવેદન ત્રણેય દેશો વચ્ચે વધતા પરસ્પર વિશ્વાસ અને સુધરતા સંબંધોની દિશામાં એક સકારાત્મક સિગ્નલ છે. આ પ્રતિક્રિયા એવા સમયે આવી છે જ્યારે 2020માં પૂર્વી લદ્દાખમાં સર્જાયેલા તણાવ બાદ ભારત-ચીન સંબંધો ધીમે ધીમે પુનઃસ્થાપિત થઈ રહ્યા છે.
ચીનનો વ્યૂહાત્મક અભિગમ
પ્રવક્તા ગુઓ જિયાકુને જણાવ્યું કે ચીન ભારત સાથેના સંબંધોને વ્યૂહાત્મક અને લાંબા ગાળાના દૃષ્ટિકોણથી આગળ વધારવા તૈયાર છે. સાથે જ તેણે સ્પષ્ટ કર્યું કે ચીન ભારત અને રશિયા બંને સાથેના તેના દ્વિપક્ષીય સંબંધોને સમાન ગતિથી મજબૂત કરવા માંગે છે.
આ સકારાત્મક સંકેતોને કારણે આંતરરાષ્ટ્રીય વિશ્લેષકો માને છે કે ભારત-ચીન સંબંધોમાં આગામી સમયમાં સુધારાની ગતિ જોવા મળી શકે છે. વૈશ્વિક રાજકીય સંતુલન માટે આ વિકાસ ખૂબ મહત્વપૂર્ણ માનવામાં આવે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
