Bindia
દેશના હવામાનમાં આવનારા દિવસોમાં મોટો ફેરફાર થવાની શક્યતા છે. ભારતીય હવામાન વિભાગ IMD જણાવ્યું છે કે ઉત્તર ભારતમાં ગરમીનું મોજું વધુ તીવ્ર બનશે, જ્યારે દક્ષિણ અને પૂર્વી રાજ્યોમાં ભારે વરસાદ, વાવાઝોડા અને તેજ પવનની સ્થિતિ સર્જાઈ શકે છે.
ઉત્તર ભારતમાં વધશે ગરમી
આગામી અઠવાડિયામાં ઉત્તર પશ્ચિમ ભારતના રાજ્યોમાં મહત્તમ તાપમાનમાં 2 થી 4 ડિગ્રી સેલ્સિયસ સુધી વધારો થવાની ધારણા છે. રાજસ્થાન અને ઉત્તરપ્રદેશ માં તાપમાન 35 થી 37 ડિગ્રી સુધી પહોંચી શકે છે. દિલ્હી -NCR વિસ્તારમાં હવામાન શુષ્ક રહેશે, જ્યારે હવા ગુણવત્તા સૂચકાંક (AQI) ‘ખરાબ’ શ્રેણીમાં 203 આસપાસ રહેવાની શક્યતા છે.
પર્વતીય વિસ્તારોમાં વરસાદ અને હિમવર્ષા
23 ફેબ્રુઆરીએ જમ્મુ કાશ્મીર અને હિમાચલ પ્રદેશના કેટલાક વિસ્તારોમાં હળવો વરસાદ અથવા હિમવર્ષાની શક્યતા છે. 23 થી 24 ફેબ્રુઆરી દરમિયાન ઉત્તરાખંડમાં હળવાથી મધ્યમ વરસાદ અને વાવાઝોડાની આગાહી કરવામાં આવી છે.
મધ્ય અને પૂર્વ ભારત માટે ચેતવણી
23 અને 24 ફેબ્રુઆરી દરમિયાન છત્તીસગઢ અને ઓડિશામાં વાવાઝોડા સાથે વરસાદની સંભાવના વ્યક્ત કરવામાં આવી છે.
દક્ષિણ ભારતમાં ભારે વરસાદની શક્યતા
દક્ષિણ પશ્ચિમ બંગાળની ખાડી પર બનેલા ઓછા દબાણવાળા ક્ષેત્રના પ્રભાવને કારણે 23 ફેબ્રુઆરીએ Tamil Naduના દક્ષિણ ભાગો, Kerala અને માહે વિસ્તારમાં અનેક સ્થળોએ ભારે વરસાદ પડી શકે છે. 30-40 કિમી પ્રતિ કલાકની ઝડપે પવન ફૂંકાવાની સાથે વીજળી પડવાની પણ ચેતવણી આપવામાં આવી છે.
કર્ણાટકના દરિયાકાંઠાના અને ઉત્તર આંતરિક વિસ્તારોમાં 23 થી 24 ફેબ્રુઆરી દરમિયાન ભારે પવન અને વાવાઝોડા સાથે હળવાથી મધ્યમ વરસાદ થવાની સંભાવના છે. 21 થી 24 ફેબ્રુઆરી દરમિયાન દક્ષિણ આંતરિક કર્ણાટકમાં પણ સમાન પરિસ્થિતિ રહી શકે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
