Bindia
પાકિસ્તાની સેનાએ નિયંત્રણ રેખા (LOC) નજીક કેટલાક સ્થળોએ ગોળીબાર શરૂ કરી દીધો છે. ભારતીય સેનાએ આનો વળતો જવાબ આપ્યો. મહત્વની વાત એ છે કે કોઈ જાનહાનિના સમાચાર નથી. પાકિસ્તાની સેના દ્વારા LoC પર અનેક ચોકીઓ પરથી આ ગોળીબાર કરવામાં આવી રહ્યો છે. જોકે, આ હુમલામાં ભારતીય પક્ષે કોઈ નુકસાન થયું નથી.
એક અધિકારીએ જણાવ્યું હતું કે પાકિસ્તાની સેનાએ નાના હથિયારોથી સરહદ પર હુમલો કર્યો હતો. આપણી સેનાએ યોગ્ય જવાબ આપ્યો. હાલમાં આ મામલે વધુ માહિતી મેળવવામાં આવી રહી છે. હાલમાં કોઈ નુકસાન થયું નથી.
પહેલગામ હુમલા બાદ ભારત એક્શન મોડમાં
ભારતે પાકિસ્તાનને પત્ર લખીને સિંધુ જળ સંધિ સ્થગિત કરવાની જાણ કરી હતી. આમાં ભારતે કહ્યું હતું કે, “સમય સાથે વસ્તી બદલાઈ છે. વસ્તીમાં ફેરફાર સાથે સંધિમાં ફેરફાર જરૂરી છે. કોઈપણ સંધિ માટે સારા સંબંધો જરૂરી છે. પાકિસ્તાન સરહદ પાર આતંકવાદને પ્રોત્સાહન આપી રહ્યું છે.”
સેના પ્રમુખ શ્રીનગર જવા રવાના
આર્મી ચીફ જનરલ ઉપેન્દ્ર દ્વિવેદી ટૂંક સમયમાં શ્રીનગર અને ઉધમપુર જવા રવાના થશે. તેઓ કાશ્મીર ખીણમાં તૈનાત વરિષ્ઠ સૈન્ય કમાન્ડરો અને અન્ય સુરક્ષા એજન્સીઓના અધિકારીઓને મળશે. જનરલ ઉપેન્દ્ર દ્વિવેદી ખીણમાં ચાલી રહેલી સુરક્ષા પરિસ્થિતિ અને નિયંત્રણ રેખા પર પાકિસ્તાની સેના દ્વારા યુદ્ધવિરામના ઉલ્લંઘનના પ્રયાસોની સમીક્ષા કરશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
