Bindia
ભારતીય શેરબજારમાં પણ આજે દિવાળીના તહેવાર પર તેજીનો માહોલ જોવા મળ્યો છે. નિફ્ટી લગભગ 200 પોઈન્ટ વધીને 25,900 પર ટ્રેડ કરી રહ્યો છે, જ્યારે સેન્સેક્સ 680 પોઈન્ટ વધ્યો છે. બેંક નિફ્ટીમાં પણ લગભગ 400 પોઈન્ટનો વધારો જોવા મળી રહ્યો છે. ટોચના 30 BSE શેરોમાંથી પાંચ શેરમાં ઘટાડો જોવા મળ્યો છે. જ્યારે બાકીના બધામાં વધારો જોવા મળી રહ્યો છે.
રિલાયન્સ ઇન્ડસ્ટ્રીઝના શેરમાં સૌથી મોટો ઉછાળો જોવા મળ્યો, જે 2.83 ટકા વધીને ₹1,457 પર ટ્રેડ થયો. વધુમાં, કોટક મહિન્દ્રા, એક્સિસ બેંક, ભારતી એરટેલ, ઇન્ફોસિસ અને બજાજ ફિનસર્વ બધામાં લગભગ 2 ટકાનો ઉછાળો જોવા મળ્યો. HDFC બેંકનો શેર પણ 1.50 ટકા વધ્યો. બીજી તરફ ICICI બેંકના શેરમાં લગભગ 2 ટકા ઘટ્યો નોંધાયો છે. જ્યારે શેર બજારમાં અન્ય શેરોમાં આજે સામાન્ય ઘટાડો જોવા મળ્યો.
108 શેરોમાં લાગી અપર સર્કિટ
BSE પર 3397 શેરોમાંથી, આજે 1949 શેરોમાં વધારો જોવા મળી રહ્યો છે, જ્યારે 1235 શેરોમાં ઘટાડો જોવા મળી રહ્યો છે. 213 શેરોમાં કોઈ ફેરફાર થયો નથી, અને 81 શેર ૫૨ અઠવાડિયાના ઉચ્ચતમ સ્તર પર ટ્રેડ થઈ રહ્યા છે. 52 શેર 52 અઠવાડિયાનાની નીચલી સપાટીએ ટ્રેડ કરી રહ્યા છે. જ્યારે 108 શેરોમાં ઉપલી સર્કિટ લાગી રહી છે .
આજે, ધાતુ સિવાય, FMCG, ઓટો, IT, મીડિયા, PSU બેંક, ખાનગી બેંક, નાણાકીય, ફાર્મા અને આરોગ્યસંભાળ જેવા ક્ષેત્રોમાં લગભગ 1 ટકાનો વધારો જોવા મળ્યો છે.
આજે બેંકિંગ સહિત આ શેરોમાં તેજી
ડીસીબી બેંકનો શેર આજે 11 ટકા વધ્યો છે. સાઉથ ઇન્ડિયા બેંકનો શેર 10 ટકા વધ્યો છે. એયુ સ્મોલ ફાઇનાન્સ બેંકનો શેર 7 ટકા, રેડિકો ખૈતાનનો શેર લગભગ 4 ટકા, પોલીકેબ ઇન્ડિયાનો શેર લગભગ 2.43 ટકા વધ્યો છે. રિલાયન્સનો શેર આજે લગભગ 3 ટકા વધ્યો છે. આ ઉપરાંત, જિયો ફાઇનાન્સિયલ બેંકનો શેર લગભગ 2 ટકા, અદાણી પાવરનો શેર 1.50 ટકા, કેનેરા બેંકનો શેર પણ 1.55 ટકા વધ્યો છે. એકંદરે, બેંકિંગ શેરોએ આજે રોકાણકારોને ખુશ કર્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
