સુરતમાં 2 કલાકમાં 4.41 ઇંચ વરસાદ: રસ્તાઓ નદી બન્યા, ઘૂંટણસમા પાણીમાં વાહનો ફસાયા

સુરત શહેરમાં સોમવારે બપોર બાદ પડેલા ધોધમાર વરસાદે જનજીવનને ભારે અસર પહોંચાડી હતી. માત્ર બે કલાકમાં 4.41 ઇંચ વરસાદ નોંધાતા શહેરના અનેક વિસ્તારોમાં પાણી ભરાઈ ગયા હતા. મુખ્ય માર્ગો પર ટ્રાફિક જામ સર્જાયો હતો, જ્યારે નીચાણવાળા વિસ્તારોમાં ઘૂંટણસમા પાણી ભરાતાં વાહનચાલકો અને સ્થાનિક રહેવાસીઓને ભારે મુશ્કેલીનો સામનો કરવો પડ્યો હતો.

શહેરના અનેક વિસ્તારો જળબંબાકાર
ભારે વરસાદના કારણે અડાજણ, સલાબતપુરા, કતારગામ, વરાછા, પાલનપુર, ઉધના સહિતના અનેક વિસ્તારોમાં પાણી ભરાઈ ગયા હતા. કેટલાક વિસ્તારોમાં ડ્રેનેજનું પાણી પાછું વળતાં રસ્તાઓ પર ગંદુ પાણી ફરી વળ્યું હતું. મુખ્ય રસ્તાઓ ઉપરાંત આંતરિક માર્ગો પણ પાણીમાં ગરકાવ થઈ જતાં વાહનવ્યવહાર ખોરવાઈ ગયો હતો.

રાજ્યમાં સુરતમાં સૌથી વધુ વરસાદ
ગુજરાતમાં સોમવારે મેઘરાજાએ જોરદાર બેટિંગ કરી હતી. સવારે 6 વાગ્યાથી સાંજે 6 વાગ્યા સુધી રાજ્યના 98 તાલુકામાં વરસાદ નોંધાયો હતો. તેમાં સુરત શહેરમાં સૌથી વધુ 4.41 ઇંચ વરસાદ નોંધાયો હતો. ઉપરાંત કામરેજમાં 3.31 ઇંચ, વલસાડના વાપીમાં 4.13 ઇંચ, પારડીમાં 4.09 ઇંચ અને નાનપોંઢામાં 2.99 ઇંચ વરસાદ નોંધાયો હતો.

વરસાદ બાદ ટ્રાફિક જામ
બપોર પછી શરૂ થયેલા ભારે વરસાદને કારણે ઓફિસ છૂટવાના સમયે રસ્તાઓ પર વાહનોની ભારે અવરજવર હતી. અનેક મુખ્ય માર્ગો પર પાણી ભરાઈ જતાં લાંબા ટ્રાફિક જામ સર્જાયા હતા. પાણીમાં ફસાયેલા અનેક વાહનો બંધ પડી જતાં વાહનચાલકોને લાંબા સમય સુધી રસ્તા પર અટવાઈ રહેવું પડ્યું હતું.

અડાજણમાં વૃક્ષ ધરાશાયી, વાહનચાલકો મુશ્કેલીમાં
અડાજણના ઋષભ ચાર રસ્તા વિસ્તારમાં વરસાદી પાણીનો નિકાલ ન થતાં મુખ્ય માર્ગ તળાવમાં ફેરવાઈ ગયો હતો. ઘૂંટણસમા પાણી ભરાઈ જતાં અનેક બાઇક અને કાર પાણીમાં ફસાઈ ગઈ હતી. ભારે પવનના કારણે એક વૃક્ષ ધરાશાયી થતાં વાહનવ્યવહાર વધુ પ્રભાવિત થયો હતો. કેટલાક વિસ્તારોમાં ગટરના ઢાંકણામાંથી ગંદુ પાણી બહાર આવતાં લોકોની મુશ્કેલી વધી હતી.

સલાબતપુરા સહિતના વિસ્તારોમાં પાલિકાની કામગીરી
સલાબતપુરા વિસ્તારમાં સપ્તશૃંગી માતાના મંદિર નજીક ફરી એકવાર જળબંબાકારની સ્થિતિ સર્જાઈ હતી, જેના કારણે વાહનવ્યવહાર સંપૂર્ણપણે ઠપ્પ થઈ ગયો હતો. ભારે વરસાદ બાદ સુરત મહાનગરપાલિકાની ટીમો વિવિધ વિસ્તારોમાં પાણીના ઝડપી નિકાલ માટે મેદાનમાં ઉતરી હતી. જોકે અનેક સ્થળોએ લાંબા સમય સુધી પાણી ભરાયેલા રહેતાં સ્થાનિકોને ભારે હાલાકીનો સામનો કરવો પડ્યો હતો.

 

 

 

 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…