Bindia
સેન્ટ્રલ બોર્ડ ઑફ સેકન્ડરી એજ્યુકેશન (CBSE) એ શૈક્ષણિક વર્ષ 2025-26 માટે ધોરણ 10 અને ધોરણ 12ની બોર્ડ પરીક્ષાઓ માટે ટેન્ટેટિવ ડેટ શીટ (ટંકાવાર સમયપત્રક) જાહેર કરી છે. CBSE દ્વારા મળેલ માહિતી મુજબ, બોર્ડની મુખ્ય પરીક્ષાઓ 17 ફેબ્રુઆરી 2026 થી શરૂ થઈ શકે છે અને 15 જુલાઈ 2026 સુધી ચાલી શકે છે.
ધોરણ 10 અને 12 બંનેની બોર્ડ પરીક્ષાઓ 17 ફેબ્રુઆરીથી શરૂ થવાની શક્યતા છે. 26થી વધુ દેશોમાં CBSE પરીક્ષા યોજાશે. અંદાજે 45 લાખથી વધુ વિદ્યાર્થીઓ આ વર્ષે બોર્ડ પરીક્ષા આપશે. 204થી વધુ વિષયોમાં પરીક્ષા લેવામાં આવશે. શાળાઓ માટે આ સમયપત્રક શૈક્ષણિક આયોજન, મૂલ્યાંકન તથા વહીવટ માટે સહાયક બનશે.
કયા પ્રકારની પરીક્ષાઓ લેવામાં આવશે?
– મુખ્ય બોર્ડ પરીક્ષા: ધોરણ 10 અને 12 માટે
– રમતગમત વિષયની પરીક્ષા: ધોરણ 12 માટે
– બીજી બોર્ડ પરીક્ષા: ધોરણ 10 માટે
– પૂરક (Supplementary) પરીક્ષા: ધોરણ 12 માટે
ઓફિશિયલ વેબસાઇટ પરથી ડાઉનલોડ કેવી રીતે કરશો?
વિદ્યાર્થીઓ cbse.gov.in વેબસાઇટ પરથી CBSE Board Exam 2026 Date Sheet PDF ડાઉનલોડ કરી શકે છે. અહીંથી તેમને વિષયવાર અને તારીખવાર માહિતી ઉપલબ્ધ થઈ શકે છે.
વિદ્યાર્થીઓ માટે શું ફાયદો?
– CBSE એ આ ડેટશીટ ટેમ્પોરરી (ટેન્ટેટિવ) રીતે જાહેર કરી છે જેથી:
– વિદ્યાર્થીઓ પહેલાંથી તૈયારી શરૂ કરી શકે.
– શાળાઓ એકેડેમિક કેલેન્ડર સુધારી શકે.
– શિક્ષકો પણ મૂલ્યાંકન અને અભ્યાસક્રમ પૂર્ણ કરવા માટે યોગ્ય આયોજન કરી શકે.
