CBSE 12th Re-evaluation 2026: 1 જૂનથી ખુલશે રી-વેલ્યુએશન પોર્ટલ, જાણો અરજી કરવાની સંપૂર્ણ પ્રક્રિયા

ધોરણ 12ના વિદ્યાર્થીઓ માટે મહત્વના સમાચાર સામે આવ્યા છે. સેન્ટ્રલ બોર્ડ ઑફ સેકન્ડરી એજ્યુકેશન (CBSE) દ્વારા ધોરણ 12ની ઉત્તરવહીઓના રી-વેલ્યુએશન અને વેરિફિકેશન માટેનું નવું શેડ્યૂલ જાહેર કરવામાં આવ્યું છે. બોર્ડના જણાવ્યા અનુસાર, રી-વેલ્યુએશન માટેનું ઓનલાઇન પોર્ટલ હવે 1 જૂન 2026થી શરૂ કરવામાં આવશે. અગાઉ આ પ્રક્રિયા 29 મે, 2026થી શરૂ થવાની હતી, પરંતુ વધુ પારદર્શક અને ભૂલમુક્ત પ્રક્રિયા સુનિશ્ચિત કરવા માટે CBSE દ્વારા તારીખમાં ફેરફાર કરવામાં આવ્યો છે.

1 જૂનથી શરૂ થશે અરજી પ્રક્રિયા
CBSEના જણાવ્યા અનુસાર, જે વિદ્યાર્થીઓ પોતાના પરિણામ અંગે સંતોષ ન ધરાવતા હોય અને માર્ક્સ વેરિફિકેશન અથવા રી-વેલ્યુએશન કરાવવા માંગતા હોય તેઓ 1 જૂનથી ઓનલાઈન અરજી કરી શકશે. બોર્ડે જણાવ્યું છે કે આ પ્રક્રિયા મૂલ્યાંકનના ઉચ્ચ ધોરણો જાળવી રાખવા અને વિદ્યાર્થીઓને ન્યાયપૂર્ણ તક આપવા માટે અમલમાં મુકવામાં આવી રહી છે.

CBSE 12th Re-evaluation 2026 માટે અરજી કેવી રીતે કરવી?
વિદ્યાર્થીઓ નીચે મુજબની પ્રક્રિયા દ્વારા ઓનલાઇન અરજી કરી શકશે:

Step 1:
CBSEની સત્તાવાર વેબસાઇટ પર જાઓ.

Step 2:
હોમપેજ પર આપેલા “Post Result Services” અથવા “Verification & Re-evaluation” વિકલ્પ પર ક્લિક કરો.

Step 3:
તમારો રોલ નંબર અને એડમિટ કાર્ડ આઈડી દાખલ કરીને લોગિન કરો.

Step 4:
યોગ્ય વિકલ્પ પસંદ કરો:
– માર્ક્સ વેરિફિકેશન (Verification of Marks)
– રી-વેલ્યુએશન (Re-evaluation)
– વેરિફિકેશન અને રી-વેલ્યુએશન બંને

Step 5:
જે વિષયોમાં ફરી ચકાસણી કરાવવી હોય તે વિષયો પસંદ કરો.

Step 6:
રી-વેલ્યુએશન માટે ચોક્કસ પ્રશ્ન નંબર પસંદ કરો, જેની ફરી તપાસ કરાવવાની હોય.

Step 7:
બધી વિગતો ચકાસીને ઓનલાઇન ફી ભરો.

Step 8:
ફોર્મ સબમિટ કરીને કન્ફર્મેશન પેજ ડાઉનલોડ અને સેવ કરી લો.

મહત્વની નોંધ :
રી-વેલ્યુએશનની પ્રક્રિયામાં માત્ર તે જ વિદ્યાર્થીઓ અરજી કરી શકશે જેમણે અગાઉ પોતાની ઉત્તરવહી (Answer Sheet)ની સ્કેન કોપી અથવા ફોટોકોપી મેળવી હોય.

4 લાખથી વધુ વિદ્યાર્થીઓએ માંગેલી ઉત્તરવહીની કોપી
CBSE દ્વારા જાહેર કરાયેલા આંકડા અનુસાર, 26 મે સુધીમાં કુલ 4,04,319 અરજીઓ ઉત્તરવહીની સ્કેન કોપી મેળવવા માટે મળી હતી. વિદ્યાર્થીઓએ કુલ 11,31,961 આન્સર શીટની નકલો માગી હતી. જેમાંથી બોર્ડ દ્વારા અત્યાર સુધીમાં 8,98,214 ઉત્તરવહીઓની ડિજિટલ કોપી વિદ્યાર્થીઓને ઉપલબ્ધ કરાવવામાં આવી છે. આ આંકડાઓ દર્શાવે છે કે આ વર્ષે મોટી સંખ્યામાં વિદ્યાર્થીઓ રી-વેલ્યુએશન માટે અરજી કરી શકે છે.

મદદ માટે હેલ્પલાઇન ઉપલબ્ધ
રી-વેલ્યુએશન અથવા પરિણામ સંબંધિત કોઈપણ પ્રશ્ન, ફરિયાદ અથવા માર્ગદર્શન માટે વિદ્યાર્થીઓ નીચે આપેલા સંપર્ક માધ્યમોનો ઉપયોગ કરી શકે છે:
– હેલ્પલાઇન નંબર: 1800 11 8004
– ઈ-મેલ: resultcbse2026@cbseshiksha.in

વિદ્યાર્થીઓ માટે મહત્વની સલાહ
રી-વેલ્યુએશન માટે અરજી કરતા પહેલાં વિદ્યાર્થીઓએ પોતાની સ્કેન કોપીનું ધ્યાનપૂર્વક નિરીક્ષણ કરવું જોઈએ અને માત્ર જરૂરી પ્રશ્નોની જ ફરી તપાસ માટે અરજી કરવી જોઈએ. અરજી દરમિયાન તમામ વિગતો સાચી રીતે ભરવી જરૂરી છે જેથી કોઈ ટેક્નિકલ મુશ્કેલી ન સર્જાય.