Bindia
ભારતીય રેલ્વે જે વિશ્વમાં ચોથું સૌથી મોટું રેલ નેટવર્ક ધરાવે છે, એક ઐતિહાસિક પરિવર્તન તરફ આગળ વધી રહ્યું છે. રેલવે મંત્રી અશ્વિની વૈષ્ણવે દ્વારા નવી શરૂઆતને લગતી મહત્વની જાહેરાત કરવામાં આવી છે. ભારતીય રેલ્વેની પ્રથમ હાઈ-સ્પીડ બુલેટ ટ્રેન 15 ઓગસ્ટ, 2027થી પાટા પર દોડતી જોવા મળશે.
પ્રથમ બુલેટ ટ્રેન 2027થી શરૂકયા શહેરો વચ્ચે દોડશે?
રેલવે મંત્રીના જણાવ્યા અનુસાર, બુલેટ ટ્રેન પ્રોજેક્ટનું કાર્ય પૂરજોશમાં ચાલી રહ્યું છે અને તેને તબક્કાવાર શરૂ કરવામાં આવશે:
– પ્રથમ તબક્કો: સુરત (ગુજરાત) અને બીલીમોરા વચ્ચે સેવામાં શરૂ થશે.
– બીજો તબક્કો: ત્યારબાદ વાપીથી સુરત સુધીનું સેક્શન ખોલાશે.
– અંતિમ લક્ષ્ય: ક્રમશઃ થાણે-અમદાવાદ સેક્શન ઉમેરાશે અને પછી મુંબઈ-અમદાવાદ હાઈ-સ્પીડ કોરિડોર સંપૂર્ણ કાર્યરત થશે.
આ રીતે, ટ્રેનનું ધ્યેય માત્ર મુસાફરીને ઝડપી બનાવવું જ નહીં, પરંતુ ગુજરાત અને મહારાષ્ટ્રના મુખ્ય શહેરો વચ્ચે આર્થિક જોડાણને મજબૂત કરવું પણ છે.
બુલેટ ટ્રેન ટિકિટ ભાડું
ટ્રેનના ભાડા અંગે હજુ સત્તાવાર જાહેર કરવામાં આવ્યું નથી, પરંતુ પ્રારંભિક અંદાજ મુજબ મુંબઈ-અમદાવાદ મુસાફરી: ₹3,000 થી ₹5,000 ની વચ્ચે. સરકારનો પ્રયાસ રહેશે કે ભાડું મધ્યમ વર્ગની પહોંચમાં રહે અને હવાઈ મુસાફરી કરતા સસ્તું હોય. ટિકિટ ભાવ નક્કી કરતી વખતે સમયની બચત અને લક્ઝરી સુવિધાઓને ધ્યાનમાં રાખવામાં આવશે જેથી મુસાફરોના ખિસ્સા પર વધારે ભાર ન પડે.
રેલવે મંત્રીનો આશાવાદ
અશ્વિની વૈષ્ણવે કહ્યું કે, “બુલેટ ટ્રેન હવે દૂર નથી. આ પ્રોજેક્ટ માત્ર મુસાફરીનો સમય જ ઘટાડશે નહીં, પરંતુ બે મોટા રાજ્યો – ગુજરાત અને મહારાષ્ટ્ર – વચ્ચેના આર્થિક અને સાંસ્કૃતિક જોડાણને પણ નવી ગતિ આપશે.”
મંત્રીએ લોકોને તૈયારી કરવા માટે કહ્યું છે કે ભવિષ્યની મુસાફરી વધુ ઝડપી, આરામદાયક અને સુરક્ષિત બનશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
