Bindia
ભારત અને યુનાઇટેડ કિંગડમ વચ્ચે લાંબા સમયથી રાહ જોવાતો મુક્ત વેપાર કરાર (FTA) હવે અમલની નજીક પહોંચી ગયો છે. 24 જુલાઈ 2025ના રોજ બંને દેશોએ Comprehensive Economic and Trade Agreement (CETA) પર હસ્તાક્ષર કર્યા હતા, જેનો અમલ મે મહિનાના બીજા અઠવાડિયા આસપાસ થવાની શક્યતા છે.
વેપારમાં મોટો વધારો થવાની અપેક્ષા
આ કરાર હેઠળ ભારતમાંથી બ્રિટન નિકાસ થતી 99% વસ્તુઓ પર ડ્યુટી નહીં લાગશે. આથી ભારતીય ઉદ્યોગો જેમ કે કાપડ, રત્ન-ઝવેરાત, ફૂટવેર અને રમકડાં ક્ષેત્રને વૈશ્વિક બજારમાં મોટું પ્લેટફોર્મ મળશે. અંદાજ મુજબ 2030 સુધી બંને દેશો વચ્ચેનો વેપાર 56 અબજ ડોલર સુધી પહોંચી શકે છે.
લક્ઝરી કાર અને વ્હિસ્કી થશે સસ્તી
આ કરારનો સીધો લાભ ગ્રાહકોને પણ મળશે. ખાસ કરીને સ્કોચ વ્હિસ્કી પરની આયાત ડ્યુટી હાલના 150%થી ઘટીને 75% થશે 2035 સુધીમાં તે 40% સુધી ઘટી શકે છે. બ્રિટિશ લક્ઝરી કાર પરની ડ્યુટી 110%થી ઘટાડીને આગામી વર્ષોમાં લગભગ 10% સુધી લાવવામાં આવશે. આ ઉપરાંત ચોકલેટ, બિસ્કિટ અને કોસ્મેટિક્સ જેવી વસ્તુઓના ભાવમાં પણ ઘટાડો જોવા મળી શકે છે.
રોજગાર અને કામદારો માટે ફાયદો
આ કરાર હેઠળ બંને દેશોએ ડબલ કોન્ટ્રીબ્યુશન કરાર (DCC) પણ કર્યો છે, જેમાં વિદેશમાં કામ કરતા કર્મચારીઓને બે વખત સોશિયલ ટેક્સ ચૂકવવો નહીં પડે. આ પગલાથી રોજગાર તકોમાં વધારો થવાની અને કામદારોને આર્થિક રાહત મળવાની અપેક્ષા છે.
ભારત માટે નવું બજાર
આ કરારથી ભારતના ઇલેક્ટ્રિક અને હાઈબ્રિડ વાહન ઉત્પાદકોને યુકેના બજારમાં સરળ પ્રવેશ મળશે, જેનાથી ઓટોમોબાઇલ ક્ષેત્રમાં નવી તકો ઊભી થઈ શકે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
