Bindia
ધર્મેશ રાણા, અંકલેશ્વર: ઇન્ડિયન રેડ ક્રોસ સોસાયટી, ગુજરાત રાજ્ય શાખા દ્વારા CSR પ્રવૃત્તિ અંતર્ગત અંકલેશ્વર તાલુકાની મહિલાઓ માટે સર્વાઇકલ કેન્સર તથા બ્રેસ્ટ કેન્સર સ્ક્રીનિંગ માટે વિશેષ વિનામૂલ્યે કેમ્પનું આયોજન અંકલેશ્વર નગરપાલિકા હોસ્પિટલ ખાતે કરવામાં આવ્યું હતું. આ કેમ્પનો મોટી સંખ્યામાં મહિલાઓએ લાભ લીધો હતો.
કેમ્પ દરમિયાન મહિલાઓને સર્વાઇકલ કેન્સરની તપાસ માટે HPV તથા PAP ટેસ્ટ તેમજ બ્રેસ્ટ કેન્સરની વહેલી ઓળખ માટે iBreast Exam સંપૂર્ણપણે નિઃશુલ્ક આપવામાં આવ્યા હતા. સાથે સાથે કેન્સરની વહેલી ઓળખ, જરૂરી તપાસ અને સારવાર અંગે તબીબો દ્વારા માર્ગદર્શન અને સલાહ પણ આપવામાં આવી હતી.
મહિલા માટે કેમ્પ અત્યંત ઉપયોગી થયો સાબિત
કેન્સર જેવી ગંભીર બીમારીની શરૂઆતના તબક્કે ઓળખ થવાથી સમયસર સારવાર શક્ય બને છે, ત્યારે આવા આરોગ્યલક્ષી કેમ્પો મહિલાઓ માટે અત્યંત ઉપયોગી સાબિત થાય છે. કેમ્પમાં હાજર રહેલ મહિલાઓએ આ સેવાઓ બદલ આયોજકો પ્રત્યે સંતોષ અને આભાર વ્યક્ત કર્યો હતો. આ પ્રસંગે ઇન્ડિયન રેડ ક્રોસ સોસાયટીના સભ્યો, આરોગ્ય કર્મચારીઓ તેમજ અંકલેશ્વર નગરપાલિકાના હોદ્દેદારો ઉપસ્થિત રહી કેમ્પને સફળ બનાવ્યો હતો.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
