Bindia
તમિલનાડુના તિરુવલ્લુર જિલ્લામાં આવેલા પેરિયાપલયમ નજીક એક સીફૂડ પ્રોસેસિંગ ફેક્ટરીમાં એમોનિયા ગેસ લીકેજની દુર્ઘટનામાં 7 મહિલાઓનાં મોત થયા હોવાની માહિતી સામે આવી છે. ઘટનામાં 45થી વધુ કામદારો પ્રભાવિત થયા હતા, જ્યારે અનેક લોકોની હાલત ગંભીર હોવાનું જણાવવામાં આવ્યું છે. દુર્ઘટના બાદ સમગ્ર વિસ્તારમાં ગભરાટનો માહોલ સર્જાયો હતો.
કામ દરમિયાન અચાનક ગેસ લીકેજ
મળતી માહિતી મુજબ, પેરિયાપલયમ નજીક આવેલી ઝીંગા (પ્રોન) પ્રોસેસિંગ ફેક્ટરીમાં કામદારો નિયમિત કામગીરી કરી રહ્યા હતા ત્યારે અચાનક એમોનિયા ગેસનું લીકેજ થયું હતું. ઝેરી ગેસના પ્રભાવને કારણે કામદારોને શ્વાસ લેવામાં તકલીફ પડવા લાગી હતી અને ઘણા લોકો બેભાન થઈ ગયા હતા.
45થી વધુ કામદારો સારવાર હેઠળ
ગેસ લીકેજની અસરથી 45થી વધુ કામદારો બેભાન થઈ ગયા હતા, જેમને તાત્કાલિક નજીકની હોસ્પિટલોમાં ખસેડવામાં આવ્યા હતા. સારવાર દરમિયાન 7 મહિલાઓના મોત થયા હોવાનું જાણવા મળ્યું છે. ઉપરાંત 10થી વધુ લોકોની સ્થિતિ ગંભીર હોવાથી તેમને ચેન્નાઈની સ્ટેનલી હોસ્પિટલના ICUમાં દાખલ કરવામાં આવ્યા છે. કેટલાક પ્રભાવિત કામદારોના મોં અને નાકમાંથી લોહી નીકળતું હોવાનું પણ જણાવાયું છે.
બચાવ અને રાહત કામગીરી તેજ
ઘટનાની જાણ થતાં જ સ્થાનિક પ્રશાસન, પોલીસ અને આરોગ્ય વિભાગની ટીમો ઘટનાસ્થળે પહોંચી હતી. ફેક્ટરી વિસ્તારને સુરક્ષિત બનાવી બચાવ અને રાહત કામગીરી હાથ ધરવામાં આવી હતી. અધિકારીઓ દ્વારા ગેસ લીકેજના કારણોની તપાસ શરૂ કરવામાં આવી છે.
રાજ્યપાલે વ્યક્ત કર્યું દુઃખ
તમિલનાડુના રાજ્યપાલ Rajendra Vishwanath Arlekarએ આ દુર્ઘટના પર ઊંડું દુઃખ વ્યક્ત કર્યું છે. રાજ્યપાલ કાર્યાલય દ્વારા જાહેર કરાયેલા નિવેદનમાં મૃતકોના પરિવારજનો પ્રત્યે સંવેદના વ્યક્ત કરવામાં આવી હતી તેમજ સારવાર હેઠળના તમામ ઘાયલોના ઝડપથી સ્વસ્થ થવાની પ્રાર્થના કરવામાં આવી હતી.
તપાસના આદેશ
દુર્ઘટના બાદ સંબંધિત વિભાગોએ ઘટનાની તપાસ શરૂ કરી છે. ફેક્ટરીમાં સુરક્ષા ધોરણોનું પાલન કરવામાં આવ્યું હતું કે નહીં અને ગેસ લીકેજ કેવી રીતે થયું તેની તપાસ કરવામાં આવશે. પ્રાથમિક તપાસ બાદ વધુ વિગતો સામે આવે તેવી શક્યતા છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
