Bindia
અમદાવાદમાં બેંક ફ્રોડના એક મોટા કૌભાંડમાં એન્ફોર્સમેન્ટ ડિરેક્ટોરેટ (ED) દ્વારા શુક્રવારે ચલાવાયેલી મોટાપાયે કાર્યવાહી દરમિયાન ₹3 કરોડના સોના અને હીરાના દાગીના જપ્ત કરવામાં આવ્યા છે. આ કેસમાં કુલ ₹10.95 કરોડના બેંક ફ્રોડનો ખુલાસો થયો છે.
6 સ્થળે દરોડા, 3 કંપનીઓ રડાર પર
EDએ અમદાવાદ શહેરમાં છ જુદા જુદા સ્થળોએ દરોડા પાડ્યા હતા. આ દરોડાઓ ત્રણ ટેક્સટાઇલ કંપનીઓના ઓફિસ, વેરહાઉસ અને સંબંધિત સ્થળો પર કરવામાં આવ્યા. તપાસ દરમિયાન EDએ મોટાપાયે દસ્તાવેજો, ડિજિટલ ડેટા અને કમ્પ્યુટર સાબૂત એકત્ર કર્યા છે.
₹3 કરોડના દાગીના અને ₹23 લાખની FD ફ્રીઝ
આ કાર્યવાહી દરમિયાન EDએ અંદાજિત ₹3 કરોડના સોના અને હીરાના દાગીના, ₹23 લાખની ફિક્સ ડિપોઝિટ (FD), મોટી સંખ્યામાં નાણાકીય દસ્તાવેજો, કમ્પ્યુટર ડેટા અને સોસાયટી રેકોર્ડ જપ્ત કર્યા છે. આ તમામ પુરાવાઓ પરથી ED હવે કંપનીઓની નાણાકીય લેવડદેવડનું વિશ્લેષણ કરી રહી છે.
નાણાકીય ગેરરીતિનો પર્દાફાશ
EDના સૂત્રોના જણાવ્યા મુજબ, આ ટેક્સટાઇલ કંપનીઓએ ફર્જીવાડું દસ્તાવેજીકરણ, ખોટા લોન દાવા અને બેન્કિંગ સિસ્ટમનો દુરુપયોગ કરીને કૌભાંડ આચર્યું હોવાનું સામે આવ્યું છે. તપાસ દરમિયાન મળેલા પુરાવાના આધારે ફ્રોડ નેટવર્ક અને તેમાં સંડોવાયેલા અન્ય લોકોની શોધખોળ પણ શરૂ થઈ ગઈ છે.
ઉદ્યોગ જગતમાં ફફડાટ
આ મોટા કેસ બાદ ટેક્સટાઇલ ઉદ્યોગમાં ભયનો માહોલ છવાયો છે. EDની આ કાર્યવાહીથી સ્પષ્ટ થાય છે કે નાણાકીય ગેરરીતિ સામે કેન્દ્ર સરકારે શૂન્ય સહનશીલતા (Zero Tolerance Policy) અપનાવી છે. આવતા દિવસોમાં આ કેસમાં વધુ ધરપકડ થવાની શક્યતા પણ જણાઈ રહી છે.
