Bindia
બોલિવૂડ અભિનેતા સૈફ અલી ખાન પર હુમલો થયો છે. તેઓ હાલમાં મુંબઈની લીલાવતી હોસ્પિટલમાં દાખલ છે. ઘરમાં ઘુસેલા ચોરોએ સૈફ પર હુમલો કર્યા બાદ હાલ સૈફ ખતરાની બહાર છે, પરંતુ આ ઘટના બાદ સૈફ સાથે જોડાયેલા સમાચારો ચર્ચામાં છે.. ચર્ચામાં એ સવાલ પણ છે કે સૈફ પાસે કુલ કેટલી સંપતિ છે. સૈફ બોલિવૂડનો ‘છોટે નવાબ’ છે. સૈફ અલી ખાન પટૌડી પરિવારના 10મા નવાબ છે. એટલા માટે તેમને બોલિવૂડમાં છોટે નવાબ તરીકે પણ ઓળખવામાં આવે છે. તેમનો જન્મ ૧૬ ઓગસ્ટ ૧૯૭૦ના રોજ નવી દિલ્હીમાં થયો હતો. સૈફે બોલીવુડમાં પોતાની કારકિર્દીની શરૂઆત યશ ચોપરાની ફિલ્મ ‘પરંપરા’થી કરી હતી. પરંતુ તેને તેની ખરી ઓળખ ‘યે દિલ્લગી’ અને ‘મૈં ખિલાડી તુ અનાડી’ ફિલ્મો પછી મળી. અત્યાર સુધી તેમણે ઘણી ઉત્તમ ફિલ્મોમાં કામ કર્યું છે. આજે તેમનું નામ બોલિવૂડના સૌથી ધનિક કલાકારોની યાદીમાં પણ સામેલ છે. સૈફ પાસે પૂર્વજોની સંપત્તિ હોવા ઉપરાંત, તેમણે પોતે પણ ઘણી સંપત્તિ કમાઈ છે.
-> સૈફ અલી ખાનની કુલ સંપત્તિ કેટલી છે? :- સૈફનો આખો પરિવાર ફિલ્મ ઉદ્યોગ સાથે સંકળાયેલો છે. તેમની માતા શર્મિલા ટાગોર તેમના સમયની જાણીતી અભિનેત્રી હતી. બહેન સોહા અને તેમના પતિ કુણાલ ખેમુ પણ ફિલ્મ ઉદ્યોગમાં મોટા નામ છે. સૈફની પુત્રી સારા અલી ખાન અને તેની પત્ની કરીના કપૂરે પણ બોલિવૂડમાં પોતાની ઓળખ બનાવી છે. સૈફની જીવનશૈલી કોઈ રાજાથી ઓછી નથી. સૈફ અલી ખાનની કુલ સંપત્તિ વિશે વાત કરીએ તો, તેમની કુલ સંપત્તિ 150 મિલિયન ડોલર એટલે કે લગભગ 1120 કરોડ રૂપિયા છે. રિપોર્ટ અનુસાર, છેલ્લા કેટલાક વર્ષોમાં તેમની સંપત્તિમાં 70 ટકાનો વધારો થયો છે. સૈફ અલીને મોંઘી ગાડીઓનો શોખ છે.
ફિલ્મો ઉપરાંત, સૈફ અલી ખાન બ્રાન્ડ એન્ડોર્સમેન્ટ અને વ્યક્તિગત રોકાણોમાંથી સારી કમાણી કરે છે. તેમની માસિક આવક 3 કરોડ રૂપિયા હોવાનું કહેવાય છે.આ અભિનેતા વાર્ષિક 30 કરોડ રૂપિયાથી વધુ કમાય છે. સૈફે ઘણી વૈભવી જગ્યાઓ પર મિલકત પણ ખરીદી છે. સૈફના બાંદ્રા બંગલાની કિંમત કરોડોમાં છે. સૈફના બે બંગલા ઑસ્ટ્રિયન આર્કિટેક્ટ્સ દ્વારા ડિઝાઇન કરવામાં આવ્યા છે. સૈફ પાસે મુંબઈમાં ગ્રાન્ડ રેસિડેન્સી હોટેલ પાસે ટર્નર રોડ પર એક લક્ઝરી એપાર્ટમેન્ટ પણ છે, જ્યાં તે કરીના અને તેના બાળકો સાથે રહે છે. એટલું જ નહીં, સૈફને ગાડીઓનો પણ ખૂબ શોખ છે. તેમની પાસે ઓડી, બીએમડબ્લ્યુ 7 સિરીઝ, લેક્સસ 470, મસ્ટાંગ, રેન્જ રોવર અને લેન્ડ ક્રુઝર જેવી મોંઘી લક્ઝરી કાર છે.
