Bindia
Ambaji ભાદરવી પૂનમના મહામેળા 2026 માટે 1000 બસો દોડશે, 30 હજાર વધારાની ટ્રીપનું આયોજન
અમદાવાદ: ગુજરાતના પ્રસિદ્ધ યાત્રાધામ Ambaji ખાતે યોજાનાર ભાદરવી પૂનમના મહામેળા-2026ને લઈને રાજ્ય સરકાર અને ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા યાત્રાળુઓની સુવિધા માટે વિશેષ તૈયારીઓ કરવામાં આવી છે. મેળામાં મોટી સંખ્યામાં ભક્તો અને પદયાત્રીઓ ઉમટવાની સંભાવનાને ધ્યાનમાં રાખીને એસ.ટી. નિગમ દ્વારા ખાસ એક્સ્ટ્રા બસ સંચાલન શરૂ કરવામાં આવ્યું છે. આ વિશેષ બસ સેવાનો પ્રારંભ તથા નવીન બસોનું લોકાર્પણ નાયબ મુખ્યમંત્રી અને ગૃહ તથા વાહનવ્યવહાર વિભાગના મંત્રી હર્ષ સંઘવીના હસ્તે કરવામાં આવ્યું હતું.
આ પ્રસંગે વાહનવ્યવહાર રાજ્યમંત્રી પ્રવીણ માળી તેમજ શહેરી વિકાસ રાજ્યમંત્રી દર્શનાબહેન વાઘેલાની પણ ઉપસ્થિતિ રહી હતી. ભાદરવી પૂનમના મહામેળામાં આવતા લાખો શ્રદ્ધાળુઓને સરળ, સુરક્ષિત અને આરામદાયક મુસાફરી મળી રહે તે માટે એસ.ટી. નિગમ દ્વારા વ્યાપક આયોજન કરવામાં આવ્યું છે.
-> 1000 બસો દ્વારા 30 હજાર વધારાની ટ્રીપ :- GSRTC દ્વારા આ વર્ષે ભાદરવી પૂનમના મેળા માટે અંદાજે 1000 જેટલી બસો તૈનાત કરવામાં આવશે. આ બસો દ્વારા આશરે 30,000 વધારાની ટ્રીપોનું સંચાલન કરવાનો નિર્ણય લેવામાં આવ્યો છે. આ વિશેષ બસ સેવાનો લાભ અંદાજે 15 લાખ જેટલા યાત્રાળુઓ લે તેવી શક્યતા છે.
પાલનપુર, મહેસાણા, હિંમતનગર અને અમદાવાદ વિભાગ દ્વારા મેળાને ધ્યાનમાં રાખીને વિશેષ બસ સંચાલન કરવામાં આવશે. આ વિશેષ વ્યવસ્થા 26 સપ્ટેમ્બર સુધી ચાલુ રાખવાનું આયોજન કરવામાં આવ્યું છે. મેળા દરમિયાન મુસાફરોની સંખ્યા અને જરૂરિયાત પ્રમાણે બસોના રૂટ તથા ટ્રીપમાં જરૂરી ફેરફાર પણ કરવામાં આવશે. Ambaji તરફ જતા ભક્તોને તેમના શહેર અને નજીકના મુખ્ય મથકો પરથી સીધી અથવા સરળ કનેક્ટિવિટી મળી રહે તે માટે વિવિધ રૂટ પર વધારાની બસો દોડાવવામાં આવશે.
-> આ રૂટ પર મળશે સતત બસ સેવા :- યાત્રાળુઓની સુવિધા માટે Ambajiથી ગુજરાતના વિવિધ શહેરો અને મહત્વના યાત્રાધામો સુધી વિશેષ બસ સેવા કાર્યરત રહેશે. તેમાં Ambajiથી ગબ્બર, આબુરોડ, દાંતા, ડીસા, પાલનપુર અને સિદ્ધપુર જેવા રૂટનો સમાવેશ થાય છે. તે ઉપરાંત Ambajiથી મહેસાણા, વિસનગર, બેચરાજી, વડનગર અને ખેરાલુ તરફ પણ બસ સેવા ઉપલબ્ધ રહેશે. જ્યારે Ambajiથી હિંમતનગર, ઈડર, ખેડબ્રહ્મા, અમદાવાદ, શામળાજી અને ભિલોડા જેવા મહત્વના રૂટ પર પણ સતત બસ સંચાલન કરવામાં આવશે. આ રૂટ દ્વારા રાજ્યના અલગ-અલગ વિસ્તારોમાંથી આવતા શ્રદ્ધાળુઓને Ambaji પહોંચવામાં સરળતા રહે તે માટે એસ.ટી. નિગમ દ્વારા વિશેષ આયોજન કરવામાં આવ્યું છે.
-> Ambajiમાં 10 બૂથની વ્યવસ્થા :- મેળા દરમિયાન મોટી સંખ્યામાં યાત્રાળુઓ Ambaji પહોંચવાના હોવાથી બસ સંચાલન અને મુસાફરોના માર્ગદર્શન માટે અંબાજી ખાતે કુલ 10 બૂથ બનાવવામાં આવ્યા છે. દરેક બૂથ પર સુપરવાઇઝર અને બૂથ ઇન્ચાર્જ ફરજ બજાવશે. યાત્રાળુઓને બસના રૂટ, સમય અને અન્ય જરૂરી માહિતી સરળતાથી મળી રહે તે માટે બૂથ પર માર્ગદર્શન આપવામાં આવશે. આ ઉપરાંત બૂથ ઇન્ચાર્જના સંપર્ક નંબર પણ ઉપલબ્ધ કરાવવામાં આવ્યા છે. મુસાફરોની સુવિધા માટે Ambajiમાં હંગામી પેસેન્જર શેડ, પીવાના પાણીની વ્યવસ્થા અને જાહેર શૌચાલય જેવી સુવિધાઓ પણ ઉપલબ્ધ કરાવવામાં આવી છે. ભીડને ધ્યાનમાં રાખીને માઇક એનાઉન્સમેન્ટની વ્યવસ્થા પણ કરવામાં આવી છે.
-> GPSથી બસોનું રિયલ ટાઈમ મોનિટરિંગ :- મેળા દરમિયાન મોટી સંખ્યામાં બસો રસ્તા પર દોડતી હોવાથી તેમના સંચાલન પર નજર રાખવા માટે GPS ટેકનોલોજી આધારિત સેન્ટ્રલ કંટ્રોલ રૂમ કાર્યરત કરવામાં આવ્યો છે. આ વ્યવસ્થાથી બસોના રિયલ ટાઈમ લોકેશન અને સંચાલન પર નજર રાખી શકાશે. આ ઉપરાંત યાત્રાળુઓને માર્ગદર્શન આપવા માટે વિવિધ સ્થળોએ હોર્ડિંગ્સ અને બેનર્સ લગાવવામાં આવ્યા છે. બસ સેવા અંગેની માહિતી મુસાફરો સુધી ઝડપથી પહોંચે તે માટે જાહેર સૂચનાઓ અને માઇક એનાઉન્સમેન્ટનો પણ ઉપયોગ કરવામાં આવશે.
-> ઈમરજન્સી માટે ક્રેન, મિકેનિક ગેંગ અને એમ્બ્યુલન્સ તૈનાત :- મેળા દરમિયાન કોઈ બસમાં ટેકનિકલ ખામી સર્જાય અથવા રસ્તા પર કોઈ ઇમરજન્સી સ્થિતિ ઊભી થાય તો ઝડપી મદદ મળી રહે તે માટે એસ.ટી. નિગમ દ્વારા વધારાની વ્યવસ્થા કરવામાં આવી છે. ક્રેન, મિકેનિક ગેંગ અને એમ્બ્યુલન્સ તૈનાત રાખવામાં આવશે. આ ઉપરાંત સંબંધિત ડેપો ખાતે ફાયર ફાઇટરની વ્યવસ્થા પણ કરવામાં આવી છે. આ તમામ વ્યવસ્થાઓનો હેતુ મેળા દરમિયાન મુસાફરોની સુરક્ષા જાળવવાની સાથે બસ સેવા શક્ય તેટલી સરળતાથી ચાલુ રાખવાનો છે.
-> 2025માં 13.09 લાખ મુસાફરોને સેવા :- ગત વર્ષના આંકડા પર નજર કરીએ તો 2025માં આશરે 900 બસો દ્વારા 28,506 ટ્રીપોનું સંચાલન કરવામાં આવ્યું હતું. આ વિશેષ બસ સેવાનો લાભ આશરે 13.09 લાખ મુસાફરોએ લીધો હતો. આ વર્ષે યાત્રાળુઓની સંભવિત સંખ્યા અને વધતી મુસાફરીની જરૂરિયાતને ધ્યાનમાં રાખીને બસોની સંખ્યા અને ટ્રીપોમાં વધારો કરવામાં આવ્યો છે. ગયા વર્ષની સરખામણીમાં આ વર્ષે અંદાજે 1000 બસો દ્વારા 30 હજાર જેટલી વધારાની ટ્રીપોનું આયોજન કરવામાં આવ્યું છે.
-> લાખો ભક્તોની સુવિધા માટે તંત્ર સજ્જ :- Ambaji ભાદરવી પૂનમનો મેળો ગુજરાતના મહત્વના ધાર્મિક મેળાઓ પૈકીનો એક છે. મેળા દરમિયાન ગુજરાત ઉપરાંત અન્ય રાજ્યોમાંથી પણ મોટી સંખ્યામાં શ્રદ્ધાળુઓ Ambaji પહોંચે છે. ખાસ કરીને પદયાત્રા કરીને આવતા ભક્તોની સંખ્યા પણ મોટી હોય છે. આ પરિસ્થિતિને ધ્યાનમાં રાખીને GSRTC દ્વારા બસ સંચાલનથી લઈને મુસાફરો માટેની મૂળભૂત સુવિધાઓ અને ઇમરજન્સી સેવાઓ સુધીનું આયોજન કરવામાં આવ્યું છે. 1000 જેટલી બસો અને 30 હજાર વધારાની ટ્રીપોના આયોજનથી લાખો યાત્રાળુઓને તેમના ગંતવ્ય સુધી પહોંચવામાં મદદ મળશે.
આ પ્રસંગે વાહનવ્યવહાર વિભાગના અગ્ર સચિવ હારિત શુક્લા, અમદાવાદના મેયર હિતેશ બારોટ તેમજ ધારાસભ્યો અમિત ઠાકર, હસમુખ પટેલ, અમૂલ ભટ્ટ, કૌશિક જૈન અને દિનેશ કુશવાહ સહિતના મહાનુભાવો ઉપસ્થિત રહ્યા હતા. Ambaji ભાદરવી પૂનમના મહામેળા-2026માં ઉમટનારા લાખો ભક્તોને સુરક્ષિત, સુવિધાજનક અને સમયસર પરિવહન સેવા મળી રહે તે માટે ગુજરાત એસ.ટી. નિગમ દ્વારા વિશેષ વ્યવસ્થા ઊભી કરવામાં આવી છે. મેળા દરમિયાન યાત્રાળુઓની સંખ્યા અને ટ્રાફિકની સ્થિતિને ધ્યાનમાં રાખીને બસ સંચાલનનું સતત મોનિટરિંગ કરવામાં આવશે.
- us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAFollow GRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
