Bindia
આર્ટિફિશિયલ ઈન્ટેલિજન્સ (AI) ટેક્નોલોજીનો દુરુપયોગ એક નવા અને ગંભીર ખતરા રૂપે સામે આવ્યો છે. તાજેતરના એક રિપોર્ટમાં ખુલાસો થયો છે કે “ન્યૂડિફાઈ” તરીકે ઓળખાતી AI એપ્સ, જે ફોટોને નકલી રીતે અશ્લીલ (ન્યૂડ) બનાવે છે, હજુ પણ Apple App Store અને Google Play Store પર સરળતાથી ઉપલબ્ધ છે.
Tech Transparency Project (TTP) દ્વારા કરવામાં આવેલી તપાસ મુજબ, આ એપ્સ કરોડો વખત ડાઉનલોડ થઈ ચૂકી છે અને તેમના ડેવલપર્સે આશરે 122 મિલિયન ડોલરથી વધુની આવક ઊભી કરી છે. આમાંનો એક હિસ્સો Apple અને Googleને પણ મળ્યો હોવાનું કહેવામાં આવે છે. રિપોર્ટ મુજબ Apple App Store પર 46 અને Google Play Store પર 49 આવી એપ્સ જોવા મળી આવી છે. ચોંકાવનારી વાત એ છે કે ઘણી એપ્સને “Everyone” અથવા “13+” જેવી રેટિંગ આપવામાં આવી છે, જેના કારણે ટીનેજર્સ માટે પણ આ એપ્સ સરળતાથી ઉપલબ્ધ બની જાય છે.
તપાસ બાદ Appleએ 15 એપ્સને દૂર કરી છે, જ્યારે Googleએ 7 એપ્સને સસ્પેન્ડ કરી છે. તેમ છતાં, અનેક એપ્સ ફરીથી નવા નામ અથવા બદલાયેલા વર્ણન સાથે પ્લેટફોર્મ પર પાછી આવી જાય છે, જે રિવ્યૂ સિસ્ટમ પર પ્રશ્નો ઉભા કરે છે. આ મુદ્દે ટેક જગતમાં પણ ચર્ચા ચાલી રહી છે. Elon Muskએ પણ આ વિષય પર પ્રતિક્રિયા આપી હતી. તેમની AI એપ Grok પર પણ અગાઉ સેક્સ્યુઅલ કન્ટેન્ટ જનરેશનને લઈને ટીકા થઈ ચૂકી છે.
નિષ્ણાતો મુજબ, આ પ્રકારની AI એપ્સ મહિલાઓ અને નાની ઉંમરના બાળકો માટે ગંભીર ખતરો બની રહી છે. જાણીતી હસ્તીઓ સહિત સામાન્ય લોકોના ફોટાનો દુરુપયોગ કરીને ડીપફેક કન્ટેન્ટ બનાવવામાં આવી રહ્યું છે. વૈશ્વિક સંસ્થાઓના અહેવાલ મુજબ લાખો બાળકો આ પ્રકારના ડીપફેકનો શિકાર બન્યા છે.
આ સમગ્ર મુદ્દો ડિજિટલ સલામતી, ગોપનીયતા અને AI નિયમન માટે મોટો પડકાર ઉભો કરે છે. નિષ્ણાતો માને છે કે ટેક કંપનીઓએ વધુ કડક પગલાં લેવા અને આવી એપ્સ પર સંપૂર્ણ પ્રતિબંધ લાવવાની જરૂર છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
