નવા ઇરાની સુપ્રીમ લીડરની પસંદગી વચ્ચે ઇઝરાયલનો હુમલો, એસેમ્બલી ઑફ એક્સપર્ટ્સની બિલ્ડિંગ નિશાન પર

ઇરાનમાં નવા સુપ્રીમ લીડરની પસંદગી પ્રક્રિયા ચાલી રહી છે ત્યારે ઇઝરાયલે કોમ શહેરમાં હવાઈ હુમલો કર્યો હોવાના અહેવાલો સામે આવ્યા છે. માહિતી મુજબ ‘એસેમ્બલી ઑફ એક્સપર્ટ્સ’ની તે ઇમારતને નિશાન બનાવવામાં આવી, જ્યાં વરિષ્ઠ ધર્મગુરુઓ બેઠક માટે એકત્રિત થયા હતા.

‘એસેમ્બલી ઑફ એક્સપર્ટ્સ’માં 88 સભ્યો હોય છે, જેઓ દેશના સુપ્રીમ લીડરની પસંદગી માટે જવાબદાર છે. હુમલામાં ઇમારતને ભારે નુકસાન થયું હોવાનું જણાવાયું છે, પરંતુ તે સમયે અંદર કેટલા લોકો હાજર હતા તેની સત્તાવાર પુષ્ટિ હજુ સુધી થઈ નથી.

જંગના પહેલા દિવસે અમેરિકા અને ઇઝરાયલના સંયુક્ત હુમલામાં ઇરાનના સુપ્રીમ લીડર અયાતુલ્લા અલી ખામેનીના મોત થયા હોવાનો દાવો કરવામાં આવ્યો હતો. ત્યારથી સુપ્રીમ લીડરનું પદ ખાલી હોવાનું માનવામાં આવી રહ્યું છે.

ચાર દિવસમાં ભારે જાનહાનિ
ઇરાની રેડ ક્રેસન્ટ સોસાયટીના જણાવ્યા મુજબ ચાર દિવસમાં:
– 787 લોકોના મોત
– 153 શહેરોને નિશાન
-504 સ્થળોએ કુલ 1,039 હુમલા

અલ-જઝીરાના અહેવાલ મુજબ અમેરિકા અને ઇઝરાયલે અત્યાર સુધી ઇરાનના 1000થી વધુ ઠેકાણાઓ પર હુમલા કર્યા છે. શરૂઆતના 30 કલાકમાં 2000થી વધુ બોમ્બ ફેંકવામાં આવ્યા હોવાનો દાવો છે.

અહેવાલો અનુસાર અત્યાર સુધી 742 લોકોનાં મોત થયા છે, જેમાં 176 બાળકોનો સમાવેશ થાય છે, જ્યારે 750થી વધુ લોકો ઘાયલ થયા છે. 28 ફેબ્રુઆરીએ શરૂ થયેલી આ લડાઈના પહેલા જ દિવસે ભારે બોમ્બમારો થયો હતો. રવિવારે 3 અમેરિકી સૈનિકોના મોત થયાની માહિતી પણ સામે આવી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in