Bindia
મધ્યપ્રદેશના ગ્વાલિયર શહેરમાં કાયદો અને વ્યવસ્થાને પડકાર ફેંકતી એક ચોંકાવનારી ઘટના સામે આવી છે. અહીં એક કાર ચાલકે નિવૃત્ત સૈનિકની બાઈકને ટક્કર મારી હતી. અકસ્માત બાદ જ્યારે નિવૃત્ત સૈનિકે વિરોધ નોંધાવ્યો, ત્યારે કારમાં સવાર યુવકો ઉગ્ર બન્યા અને તેમને ગાડી ચડાવવાનો પ્રયાસ કર્યો.
જીવ બચાવવા માટે નિવૃત્ત સૈનિક કારના બોનેટ પર લટકી ગયા હતા, છતાં આરોપી ચાલકે ગાડી રોકવાને બદલે પૂરઝડપે દોડાવી હતી. મળતી માહિતી મુજબ, આરોપીઓએ વડીલને કારના બોનેટ પર લટકાવીને લગભગ ૫૦૦ મીટર સુધી ગાડી ચલાવી હતી.
આ સમગ્ર ઘટનાનો 16 સેકન્ડનો વીડિયો સોશિયલ મીડિયા પર વાયરલ થયો છે. વીડિયોમાં સ્પષ્ટ દેખાય છે કે એક સફેદ રંગની કાર ઝડપથી આગળ વધી રહી છે અને તેના બોનેટ પર એક વ્યક્તિ જીવ બચાવવા માટે સંઘર્ષ કરી રહી છે. વીડિયો સામે આવતા જ લોકોમાં ભારે રોષ ફેલાયો છે.
આટલેથી ન અટકતા, કાર રોક્યા બાદ આરોપીઓએ નિવૃત્ત સૈનિક સાથે મારપીટ પણ કરી હતી. ઘટનાની જાણ થતાં પોલીસ તાત્કાલિક સ્થળે પહોંચી હતી અને મામલે ગુનો નોંધીને તપાસ શરૂ કરી છે. પોલીસ સીસીટીવી ફૂટેજ અને વાયરલ વીડિયોના આધારે આરોપીઓની ઓળખ અને ધરપકડ માટે કાર્યવાહી કરી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
