Bindia
ગુજરાતના પોલીસ પ્રશાસનમાં મહત્વપૂર્ણ ફેરફારના સંકેત મળી રહ્યા છે. કેન્દ્ર સરકારના ગૃહ મંત્રાલયે 1991 બેચના સિનિયર IPS અધિકારી શમશેર સિંઘને તેમની પેરેન્ટ કેડર એટલે કે ગુજરાતમાં પરત મોકલવાની મંજૂરી આપી છે. હાલ તેઓ સીમા સુરક્ષા દળ (BSF)માં એડિશનલ ડાયરેક્ટર જનરલ (ADG) તરીકે પ્રતિનિયુક્તિ પર ફરજ બજાવી રહ્યા હતા.
‘પ્રિમેચ્યોર રિપેટ્રિએશન’ને મંજૂરી
ગૃહ મંત્રાલય દ્વારા જાહેર કરાયેલા ઓફિસ મેમોરેન્ડમ મુજબ, સક્ષમ સત્તાધિકારીએ શમશેર સિંઘની પ્રિમેચ્યોર રિપેટ્રિએશનની વિનંતી મંજૂર કરી છે. આ નિર્ણયનો અમલ તાત્કાલિક અસરથી કરવામાં આવશે. આ અંગેની સત્તાવાર જાણ ગુજરાતના મુખ્ય સચિવ અને ડાયરેક્ટર જનરલ ઓફ પોલીસ (DGP)ને પણ કરી દેવામાં આવી છે.
ઇન્ચાર્જ DGP કરતા એક વર્ષ સિનિયર
– શમશેર સિંઘની ગુજરાત વાપસી બાદ રાજ્યના પોલીસ બેડામાં સમીકરણો બદલાઈ શકે છે.
– શમશેર સિંઘ 1991 બેચના IPS અધિકારી છે
– તેઓ વર્તમાન ઇન્ચાર્જ DGP ડો. કે.એલ.એન. રાવ કરતા એક વર્ષ સિનિયર છે
– તેઓ માર્ચ 2026માં નિવૃત્ત થવાના છેતેમની સિનિયોરિટી જોતા એવી ચર્ચાઓ તેજ બની છે કે તેમને ગુજરાત પોલીસમાં કોઈ મહત્વપૂર્ણ અને ઉચ્ચ જવાબદારી સોંપાઈ શકે છે.
ગુજરાતમાં વિશાળ વહીવટી અનુભવ
કેન્દ્રીય ડેપ્યુટેશન પર જતાં પહેલાં શમશેર સિંઘે ગુજરાતમાં વડોદરા પોલીસ કમિશનર સહિત અનેક મહત્વપૂર્ણ હોદ્દાઓ પર સેવા આપી છે. શિસ્તબદ્ધ અને અનુભવી અધિકારી તરીકે તેમની છાપ છે. હવે ટૂંક સમયમાં તેઓ ગુજરાત પોલીસમાં વિધિવત રીતે કાર્યભાર સંભાળશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
