Bindia
રાજ્યમાં ગત 21 ડિસેમ્બરે લેવાયેલી TET-1 પરીક્ષાની આન્સર કી હવે જાહેર કરવામાં આવી છે. રાજ્ય પરીક્ષા બોર્ડ દ્વારા પરીક્ષા પૂર્ણ થયા બાદ 9 દિવસ પછી આન્સર કી જાહેર કરવામાં આવી છે, જેને લઈને ઉમેદવારોમાં રાહતનો માહોલ જોવા મળી રહ્યો છે.
બોર્ડ દ્વારા જાહેર કરાયેલી OMR આધારિત આન્સર કી ઉમેદવારો www.sebexam.org વેબસાઈટ પર 3 જાન્યુઆરી સુધી જોઈ શકશે. નોંધનીય છે કે અન્ય સરકારી પરીક્ષાઓમાં સામાન્ય રીતે પરીક્ષા બાદ બીજા દિવસે જ આન્સર કી જાહેર કરવામાં આવે છે, ત્યારે TETના ઉમેદવારો લાંબા સમયથી આન્સર કી ઝડપથી જાહેર કરવાની માંગ કરી રહ્યા હતા. આ માંગને ધ્યાનમાં રાખીને બોર્ડે આ નિર્ણય લીધો હોવાનું માનવામાં આવે છે.
38 હજારથી વધુ ઉમેદવારોએ આપી હતી પરીક્ષા
TET-1 પરીક્ષા રાજ્યભરમાં શાંતિપૂર્ણ માહોલમાં યોજાઈ હતી. અમદાવાદ શહેર અને ગ્રામ્ય વિસ્તારમાં સૌથી વધુ ઉમેદવારો પરીક્ષા આપવા પહોંચ્યા હતા. માત્ર અમદાવાદમાં જ 38 હજારથી વધુ ઉમેદવારો પરીક્ષામાં સામેલ થયા હતા. આ ઉપરાંત વડોદરા, સુરત અને રાજકોટ જેવા શહેરોમાં પણ મોટી સંખ્યામાં પરીક્ષાર્થીઓ હાજર રહ્યા હતા.
મેથ્સ વિષય મુશ્કેલ લાગ્યો
પરીક્ષા આપનાર અનેક ઉમેદવારોના જણાવ્યા મુજબ આ વખતનું પેપર સંપૂર્ણપણે સરળ નહોતું. ખાસ કરીને મેથ્સ વિષયના પ્રશ્નો અઘરા હોવાનું ઉમેદવારોનું કહેવું છે. બે વર્ષ બાદ લેવાયેલી આ પરીક્ષામાં સમય મર્યાદા 30 મિનિટ વધારીને કુલ 120 મિનિટ રાખવામાં આવી હતી, તેમ છતાં ઘણા ઉમેદવારો સમયસર પેપર પૂર્ણ કરી શક્યા નહોતા.
જો કે પરીક્ષા દરમિયાન કોઈ પણ પ્રકારનો વિવાદ નોંધાયો નહોતો અને સમગ્ર પરીક્ષા શાંતિપૂર્ણ રીતે પૂર્ણ થઈ હતી. 150 ગુણના પેપરમાં નેગેટિવ માર્કિંગ ન રાખવામાં આવતા ઉમેદવારોને થોડી રાહત મળી હતી.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
