Bindia
ગત ઘણા અઠવાડિયાંથી સોના અને ચાંદીમાં દ્રુત ભાવવૃદ્ધિ બાદ મંગળવારે વૈશ્વિક બજારમાં બંને કિંમતી ધાતુઓમાં ભારે કડાકો નોંધાયો છે. સોનાની કિંમતમાં 4% અને ચાંદીમાં 7%નો તીવ્ર ઘટાડો થયો છે. જે છેલ્લા ચાર વર્ષમાં સૌથી મોટો એકદિનિય ઘટાડો છે. આ ઘટાડાની પાછળ 5 મહત્વપૂર્ણ કારણો જવાબદાર માનવામાં આવી રહ્યા છે.
ઘટાડાના 5 મુખ્ય કારણો:
ડૉલરની મજબૂતી અને વેપાર યુદ્ધમાં શાંતિના સંકેતો:
અમેરિકી ડૉલર મજબૂત થતા વૈશ્વિક રોકાણકારો માટે સોનું મોંઘું બની ગયું છે. સાથે જ, ટ્રમ્પ અને શી જિનપિંગ વચ્ચેની શક્ય મીટિંગને કારણે માર્કેટમાં પોઝિટિવ સેન્ટિમેન્ટ છે, જેના કારણે સોનાની ‘સેફ હેવન’ ડિમાન્ડ ઘટી.
તિવ્ર નફાખોરી અને ટેકનિકલ Correction:
સ્પોટ ગોલ્ડ એક રેકોર્ડ હાઈ $4,381/Oz સુધી જતાં ઘણા રોકાણકારોએ નફો વટાવવો શરૂ કર્યો. ટેકનિકલ રૂપે RSI ઇન્ડિકેટર ઓવરબોટ ઝોનમાં જતા corrections સ્વાભાવિક હતા.
ETF માર્કેટમાં ભારે ઉથલપાથલ:
SPDR Gold Shares ETFમાં અનરેકોર્ડેડ ઓપ્શન વોલ્યુમ જોવા મળ્યો – 20 લાખ કોન્ટ્રાક્ટ્સ ટ્રેડ થયા. આથી ટ્રેડર્સ હેજિંગ કે નફા માટે શોર્ટ ટર્મ બેટ લગાવી રહ્યા છે, જેને કારણે વધુ અસ્થિરતા જોવા મળી.
ચાંદીમાં 80% રેલી પછી તેજીથી ઘટાડો:
2025માં અત્યાર સુધીમાં 80% ઉછાળે ચાંદી ફરી પાછી ગગડી. લંડન, શાંઘાઈ અને ન્યૂયોર્કના બજારોમાં સપ્લાય ઇશ્યૂ અને સ્ટોકપાઇલ ઘટતાં દબાણ વધ્યું.
CFTC ડેટાનું અભાવ – અંધકારમાં ટ્રેડિંગ:
અમેરિકન સરકારના શટડાઉનને કારણે CFTCના સાપ્તાહિક ડેટા રિલીઝ થયો નથી, જેના કારણે ફંડ્સની પોઝિશન અંગે સ્પષ્ટતા ન હોઈ બજારમાં અનિશ્ચિતતા વધી ગઈ છે.
નિષ્ણાતોની ટિપ્પણી:
કોમોડિટી વિશ્લેષકો માને છે કે જો ડૉલર મજબૂત રહ્યો અને અમેરિકન અર્થવ્યવસ્થા સાબિત રહી, તો વધુ ઘટાડો શક્ય છે. પરંતુ મિડલ ઈસ્ટ અથવા અન્ય રાજકીય અસ્થીરતા વધી, તો ફરીથી સોનામાં તેજી જોવા મળી શકે છે.
