ડોનાલ્ડ ટ્રમ્પ ફરી બન્યા નાના: પુત્રી ટિફનીએ પુત્રને જન્મ આપ્યો, પરિવારમા ઉમેરાયો 11મો પૌત્ર

અમેરિકાના રાષ્ટ્રપતિ ડોનાલ્ડ ટ્રમ્પ માટે ફરી એક વાર ખુશીની ઘડી આવી છે. તેમની પુત્રી ટિફની ટ્રમ્પ (31) અને પતિ માઈકલ બોલોસે ગુરુવારે પુત્રને જન્મ આપ્યો છે. નવજાત બાળકનું નામ એલેક્ઝાન્ડર ટ્રમ્પ બોલોસ રાખવામાં આવ્યું છે. ટ્રમ્પ હવે કુલ 11 પૌત્રોના દાદા બન્યા છે.

ટિફનીએ શેયર કરી પ્રેમભીની પોસ્ટ
ટિફનીએ સોશિયલ મીડિયા પ્લેટફોર્મ X (ટ્વિટર) પર પોતાના પુત્રના નાનકડા પગની તસવીર શેર કરીને લખ્યું: “અમારા વ્હાલા બાળક, એલેક્ઝાન્ડર ટ્રમ્પ બોલોસ, વિશ્વમાં તમારું સ્વાગત છે. અમે તમને શબ્દોથી પર ચાહીએ છીએ! અમારા જીવનમાં આવવા બદલ તમારો આભાર!” ટિફનીએ અગાઉ ઘણી વાર પોતાના ગર્ભાવસ્થા દરમિયાનના ફોટા શેર કર્યા હતા અને પોતાની ઉત્સુકતા વ્યક્ત કરી હતી.

પ્રેમથી લગ્ન સુધીનો સફર
ટિફની અને માઈકલ બોલોસની મુલાકાત 2018માં ગ્રીસના બીચ ક્લબમાં થઈ હતી. બંનેએ 19 જાન્યુઆરી 2021ના રોજ સગાઈની જાહેરાત કરી હતી. બાદમાં નવેમ્બર 2022માં, ટ્રમ્પના ફ્લોરિડાના રિસોર્ટ માર-એ-લાગો ખાતે ભવ્ય લગ્ન સમારોહ યોજાયો હતો. ટિફનીએ લેબનિઝ ડિઝાઇનર એલી સાબ દ્વારા ડિઝાઇન કરેલો વેડિંગ ડ્રેસ પહેર્યો હતો.

ટ્રમ્પે અગાઉ કરી હતી જાહેરાત
ટ્રમ્પે 2024ના ઓક્ટોબરમાં ડેટ્રોઇટ ઇકોનોમિક ક્લબમાં સભાને સંબોધતાં જણાવ્યું હતું કે ટિફની ગર્ભવતી છે. તેમણે તેમના દામાદના પિતા માસાદ બોલોસ, જે વ્હાઇટ હાઉસના સલાહકાર છે, તેમની પણ પ્રશંસા કરી હતી.

ટ્રમ્પના 11 પૌત્ર