ગ્રીનલેંડ પર નિયંત્રણ કરવાના ટ્રમ્પના દાવા સામે આવી પ્રતિક્રિયા 'અમે કોઇના ગુલામ નથી, અમારુ ભવિષ્ય જાતે નક્કી કરીશું'

અમેરિકાના રાષ્ટ્રપતિ ડોનાલ્ડ ટ્રમ્પે દાવો કર્યો છે કે અમેરિકા ગ્રીનલેન્ડનો કબજો મેળવી લેશે. તેમના દાવાને હવે ગ્રીનલેન્ડના વડા પ્રધાન જેન્સ-ફ્રેડરિક નીલ્સન દ્વારા સખત રીતે નકારી કાઢવામાં આવ્યો છે.ફેસબુક પર એક પોસ્ટમાં તેમણે કહ્યું, ‘રાષ્ટ્રપતિ ટ્રમ્પ કહી રહ્યા છે કે અમેરિકા ગ્રીનલેન્ડ હસ્તગત કરશે. હું સ્પષ્ટપણે કહેવા માંગુ છું: અમેરિકાને ગ્રીનલેન્ડ મળશે નહીં. અમે કોઈના ગુલામ નથી અને અમારુ ભવિષ્ય જાતે નક્કી કરીશું.”

આ પણ વાચો :- ટ્રમ્પે એક તરફ જેલેન્સકીને આપી ચેતવણી તો બીજી તરફ રશિયાની કાઢી ઝાટકણી

જાણો કેમ યુએસએ ગ્રીનલેન્ડને પોતાની સાથે જોડવા માંગે છે? :- ગ્રીનલેન્ડ એટલાન્ટિક મહાસાગરમાં સ્થિત કુદરતી સંસાધનોથી સમૃદ્ધ એક મોટો ટાપુ છે. ડેનમાર્કનો સ્વાયત્ત પ્રદેશ હોવા ઉપરાંત, તે નાટોનો સાથી પણ છે. અમેરિકાના રાષ્ટ્રપતિ ડોનાલ્ડ ટ્રમ્પે ગ્રીનલેન્ડને રાષ્ટ્રીય સુરક્ષા માટે મહત્વપૂર્ણ ગણાવ્યું છે અને તેને અમેરિકાનો ભાગ બનાવવાની ઇચ્છા વ્યક્ત કરી છે.

શું અમેરિકા લશ્કરી બળનો ઉપયોગ કરશે? :- એનબીસી ન્યૂઝ સાથેની એક મુલાકાતમાં, ડોનાલ્ડ ટ્રમ્પે કહ્યું કે તેઓ ગ્રીનલેન્ડને બળજબરીથી કબજે કરવાની શક્યતાને નકારી રહ્યા નથી. જોકે, તેમણે એમ પણ કહ્યું, “મને લાગે છે કે આપણે લશ્કરી બળ વિના પણ આ હાંસલ કરી શકીએ છીએ.” ટ્રમ્પે પોતાના નિવેદનને વિશ્વ શાંતિ અને આંતરરાષ્ટ્રીય સુરક્ષા સાથે જોડ્યું, પરંતુ સ્પષ્ટપણે કહ્યું કે, “હું કોઈપણ વિકલ્પને નકારી કાઢતો નથી.ગ્રીનલેન્ડના સ્થાનિક નેતાઓ અને લોકો અમેરિકાના આ દાવાને અપમાનજનક અને અસ્વીકાર્ય માની રહ્યા છે. ટ્રમ્પના આ નિવેદનોથી ગ્રીનલેન્ડ અને ડેનમાર્કમાં ગુસ્સો વધી ગયો છે.

આ પણ વાચો :- વડાપ્રધાન મોદીનું કામ દેશ અને સંસ્કૃતિના હીતમાં, RSSના કાર્યકારી સભ્ય રાજીવ તુલીનું નિવેદન

રશિયા પર ટ્રમ્પનું વિવાદાસ્પદ નિવેદન :- જ્યારે ડોનાલ્ડ ટ્રમ્પને પૂછવામાં આવ્યું કે તેમના આ પગલાથી રશિયન રાષ્ટ્રપતિ વ્લાદિમીર પુતિનને શું સંદેશ મળશે, જેમણે યુક્રેનના ઘણા ભાગો પર કબજો કરી લીધો છે, ત્યારે ટ્રમ્પે સ્પષ્ટપણે કહ્યું, “મને કોઈ વાંધો નથી.

“શું આ મુદ્દો એક નવો વૈશ્વિક વિવાદ બનશે? :- ટ્રમ્પના આ વિવાદાસ્પદ નિવેદન બાદ અમેરિકા અને ડેનમાર્ક વચ્ચેના સંબંધોમાં તણાવ વધી શકે છે. ગ્રીનલેન્ડના વડા પ્રધાનનો સ્પષ્ટ સંદેશ દર્શાવે છે કે તેઓ તેમની સાર્વભૌમત્વ સાથે કોઈ સમાધાન કરશે નહીં. હવે જોવાનું એ રહે છે કે અમેરિકા આ મુદ્દે શું વલણ અપનાવે છે.

Follow us On Social Media

🔔 YouTube : https://www.youtube.com/@BIndiaDigital
📸 Instagram : https://www.instagram.com/bindiadigital/
🌐 Website : https://bindia.co/
TWITTER : https://x.com/buletin_india
FOLLOW ON WHATSAPP : https://whatsapp.com/channel/0029Va4rXSZ5q08d1AuVRO2I