Bindia
સુરતના સરથાણા વિસ્તારમાં એક અત્યંત ચોંકાવનારી અને નિંદનીય ઘટના સામે આવી છે, જેમાં 57 વર્ષના આધેડે 6 વર્ષની માસૂમ બાળકી સાથે દુષ્કર્મ આચર્યું હતું. આરોપીએ પોતાની દુકાનમાં બાળકી સાથે આ કૃત્ય કર્યું હતું. સરથાણા પોલીસે આરોપીની ધરપકડ કરી વધુ તપાસ શરૂ કરી છે.
પ્રાપ્ત માહિતી અનુસાર, તા. 11 જાન્યુઆરી 2026ના રોજ સાંજના આશરે 7 વાગ્યે એક વૃદ્ધ દાદા પોતાના પૌત્ર અને પૌત્રીને ઘરની બહાર રમાડવા લઈ ગયા હતા. આ દરમિયાન પૌત્ર રડવા લાગતા દાદા તેને ઘરે મુકવા ગયા હતા. તે સમયે સરથાણામાં આયુર્વેદિક શેમ્પૂ અને દવાઓની દુકાન ચલાવતા વિનોદ મોહનભાઈ અણઘણ (ઉંમર 57, મૂળ રહેવાસી હડમતીયા ગામ, પાલીતાણા, જી. ભાવનગર) એ દાદાને પોતાની વાતોમાં ભોળવી પૌત્રીને દુકાનમાં બેસાડવાની વિનંતી કરી હતી.
દાદા પૌત્રને ઘરે મુકવા ગયા તે દરમિયાન આરોપી વિનોદ અણઘણે દુકાનની અંદર 6 વર્ષની બાળકી સાથે દુષ્કર્મ આચર્યું હતું. થોડા સમય બાદ જ્યારે દાદા પરત ફર્યા ત્યારે બાળકી વ્યથિત હાલતમાં હતી. બાદમાં બાળકી દ્વારા સમગ્ર ઘટના દાદા તથા પરિવારજનોને જણાવવામાં આવતા પરિવાર ચોંકી ઉઠ્યો હતો.
ઘટનાની જાણ થતાં પરિવારજનોએ તાત્કાલિક સરથાણા પોલીસ સ્ટેશનમાં ફરિયાદ નોંધાવી હતી. પોલીસે વિનોદ અણઘણની ધરપકડ કરી કાયદેસરની કાર્યવાહી હાથ ધરી છે. બાળકીની તબીબી તપાસ સહિતની પ્રક્રિયા હાથ ધરવામાં આવી છે અને સમગ્ર મામલે વધુ તપાસ ચાલી રહી છે.
આ ઘટના સામે આવતા વિસ્તારમાં ભારે આક્રોશ જોવા મળ્યો છે. સ્થાનિક લોકો દ્વારા આરોપી સામે કડક કાર્યવાહી કરવાની માંગ ઉઠી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
