Bindia
ગુજરાત સરકારે પોલીસ વિભાગમાં મહત્વનો વહીવટી ફેરફાર કરતા રાજ્ય કેડરના 6 વરિષ્ઠ IPS અધિકારીઓને બઢતી આપવાના આદેશ જાહેર કર્યા છે. ગૃહ વિભાગ દ્વારા બહાર પાડવામાં આવેલી નોટિફિકેશન મુજબ, રાજ્યમાં અને કેન્દ્રિય પ્રતિનિયુક્તિ પર ફરજ બજાવતા અધિકારીઓને ‘પ્રોફોર્મા પ્રમોશન’ નો લાભ આપવામાં આવ્યો છે. આ બઢતીઓનો અમલ 1 ડિસેમ્બર 2025 થી તાત્કાલિક અસરથી શરૂ થયો છે.
DG રેન્ક પર 2 અધિકારીઓને બઢતી
1. મનોજ શશિધર (IPS–1994)
હાલમાં CBI માં સ્પેશિયલ ડિરેક્ટર તરીકે પ્રતિનિયુક્તિ પર ફરજ બજાવતા મનોજ શશિધરને DG રેન્કમાં પ્રોફોર્મા પ્રમોશન આપવામાં આવ્યું છે.
2. રાજુ ભાર્ગવ (IPS–1995)
હાલમાં રાજ્યમાં ADGP (Armoured Units) તરીકે સેવાઓ આપી રહેલા રાજુ ભાર્ગવને DG (Armoured Units) તરીકે બઢતી આપવામાં આવી છે. તેમની વર્તમાન પોસ્ટને પણ ‘ex-cadre DG’ તરીકે અપગ્રેડ કરવામાં આવી છે.
IG રેન્ક પર 4 અધિકારીઓને બઢતી
1. દીપેન ભાદ્રાન
કેબિનેટ સચિવાલયમાં મહત્વની જવાબદારી સંભાળતા દીપેન ભાદ્રાનને IG રેન્કમાં બઢતી મળી છે.
2. સૌરભ તુલુંબિયા
કેન્દ્રમાં GAIL ખાતે Advisor (Security) તરીકે ફરજ બજાવતા સૌરભ તુલુંબિયાને IG રેન્ક મળ્યો છે.
3. પી.વી. રાઠોડ
CID (Crime) માં ફરજ બજાવતા પી.વી. રાઠોડને DIGમાંથી IG તરીકે બઢતી આપવામાં આવી છે. તેમની પોસ્ટને પણ ‘ex-cadre IG’ તરીકે અપગ્રેડ કરાઈ છે.
પ્રોફોર્મા પ્રમોશન શું?
આ બઢતીઓ IPS Pay Rules, 2016 ના Rule 6 હેઠળ આપવામાં આવી છે. આ નિયમ અનુસાર, જેમના બેચના અધિકારીઓને રાજ્યમાં બઢતી મળે છે, તેવા કેન્દ્રિય પ્રતિનિયુક્તિ પર રહેલા અધિકારીઓને પણ સમાન લાભ આપવામાં આવે છે. રાજ્ય સરકારે જણાવ્યું છે કે તમામ વહીવટી શરતો પૂર્ણ થતાં બઢતી અંગેના આદેશ તાત્કાલિક અમલમાં મૂકવામાં આવ્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
